سەنبى, 5 ءساۋىر 2025
جاڭالىقتار 2922 0 پىكىر 12 قازان, 2015 ساعات 10:30

تىلشىگە شابۋىل: قىلمىسكەردى تاپقان ادامعا سىياقى بەرىلەدى

الماتىلىق بيزنەسمەن ەرلان نۇرپەيىسوۆ جۋرناليست ءارى بلوگەر بوتا جۇمانوۆاعا شابۋىل جاساعان قىلمىسكەردى ۇستاۋعا جاردەمدەسەتىن اقپاراتقا ارنايى سىياقى تاعايىندايتىنىن مالىمدەدى.

«كۇدىكتىنىڭ اتى-ءجونى جانە قايدا ەكەندىگى تۋرالى شىنايى اقپارات ءۇشىن ءوزىمنىڭ Green Auto Service ەكولوگيالىق قورى اتىنان 100 000 تەڭگە سىياقى بەرەتىنىمدى جاريالايمىن. اسا كوپ اقشا بولماسا دا بۇل باسى عانا دەپ سەنەمىن. اقپارات بەرگەن ادامعا تولەنەتىن سىياقى كولەمىن وزدەرىنىڭ از دا بولسا ۇلەسىن قوسىپ، كوبەيتەمىن دەۋشى كاسىپكەرلەرگە العىس بىلدىرەمىن» دەپ جازعان نۇرپەيسىوۆ Facebook الەۋمەتتىك جەلىسىندەگى پاراقشاسىندا.

بۇعان دەيىن قازاقستاندىق جۋرناليست، بلوگەر بوتا جۇمانوۆانى قازاننىڭ 9-ىنا قاراعان ءتۇنى الماتىداعى ۇيىنە كىرەبەرىستە بەلگىسىز بىرەۋدىڭ اياۋسىز ۇرىپ كەتكەنى تۋرالى اقپاراتتى الماتى ىشكى ىستەر دەپارتامەنتى ءباسپاسوز قىزمەتى راستادى.

سەنبى كۇنى ينتەرنەتتە «بوتا جۇمانوۆاعا شابۋىل» دەگەن اتپەن تاراعان ۆيدەودا تۇنگى مەزگىلدە ءۇيدىڭ ەسىگىن اشىپ جاتقان ايەل ادامدى جاس جىگىتتىڭ ۇرىپ كەتكەنى ءتۇسىپ قالعان. پوليتسيا بۇل ۆيدەونى تەكسەرىپ جاتقانىن حابارلاعان.

اباي-اقپارات

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1510
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4230
46 - ءسوز

بىزگە بەيمالىم باراق حان

جامبىل ارتىقباەۆ 3133