قازاقتا اكەسى ءتىرى ادام ساقال قويماعان عوي. وتكەندە وسىنى جاسى وتىزدان ەندى اسقان ءبىر نامازحان دوسىما اقىرىنداپ ايتىپ ەدىم، ەرتەڭىندە ول ساقالىن كۇزەپ، ءاپ-ادەمى قىرما ساقال قويىپ كەلىپتى.

ايتپەسە الدىنداعى توعىز تال ساقالى سيقىن كەتىرىپ، سىرتتاي ونىڭ مۇسىلماندىق وبرازىن قوعامداعى قالىپتاسىپ كەتكەن الگى ءبىر سۇيكىمسىز ستەرەوتيپپەن بايلانىستىرىپ تۇراتىن. جاراسىپ تۇرسا ۇندەمەيسىڭ عوي. كەيىن ءوزى دە:ء«بىز سىرتقى فورماعا كوبىرەك ءمان بەرىپ كەتكەندەيمىز» دەيدى. مۇمكىن بىرەۋلەرگە ساپسيعان ساقالىن قىرسا، يمانى كەمىپ قالاتىنداي (ونىڭ يمانمەن قانداي بايلانىسى بارىنا ميىم جەتپەدى) كورىنەتىن شىعار. بىراق جاسى قىرىقتان اسىپ، اكەسىن سوڭعى ساپارعا شىعارىپ سالعاندا عانا ساقالىن جىبەرسە، قاتىپ-اق كەتەر ەدى. سوندا كىمنىڭ، كىم ەكەنى دە سىرتتاي ءبىلىنىپ تۇرادى. دىنگە ەندى بەت بۇرعان جاستاردىڭ وسىنداي ماكسيماليست بولىپ كەلەتىنى بار. ءبىر نارسەنى اسىرا ىستەۋگە بەيىم. سوسىن بىزدە بابالارىمىزدان بەرى كەلە جاتقان ءدىني ءداستۇردىڭ ءۇزىلىپ قالعانىن بىلەسىزدەر. وسىنىڭ كەسىرىنەن ءدىني ۆاكۋم قالىپتاسىپ، اركىم ءارتۇرلى «اقيدالاردىڭ» سويىلىن سوعىپ كەتتى. ۇلتتىق ادەت-عۇرىپتى بىلاي دا قازىر ەشقايسىمىز ۇستانبايمىز عوي. كيمەشەكتى دە اناۋ، كەمپىرلەرگە كيگىزىپ قويدىق. ەندى جونىمەن ساقال قويعان نامازحانداردىڭ ساقالىنا (بۇل اركىمنىڭ جەكە شارۋاسى) جارماسا بەرگەندى قويىپ، وعان قاتىستى وسىنداي نيۋانستاردى ەسكەرىپ ءجۇرۋ كەرەك سياقتى. ايتپەسە قازىر ساقالى بار اعالارىمىزعا ءتيىسىپ سويلەۋ ەرىككەننىڭ ەرمەگىنە اينالىپ بارادى...

جولىمبەت ماكىش

Facebook-تەگى پاراقشاسىنان