قازاقستان پرەزيدەنتى نۇرسۇلتان نازارباەۆ "ازىرەت سۇلتان" مەشىتىندە ناماز وقىپ، قازاقستاندىقتاردى مەرەكەمەن قۇتتىقتادى، - دەپ حابارلايدى Tengrinews.kzء تىلشىسى.

"مەن قازاقستاندا، كورشىلەس دوستاستىق ەلدەرىندە تۇرىپ جاتقان جانە الەمدەگى بارلىق مۇسىلماندى قۇربان ايت مەرەكەسىمەن قۇتتىقتايمىن. بۇل مەرەكە ادامزاتتى بەيبىتشىلىك پەن كەلىسىمگە، ءوزارا تۇسىنىستىك پەن جاناشىرلىققا ۇندەيدى. بۇل مەرەكە بىرلىكتىڭ، كەشىرىمنىڭ، ءبىر بولۋدىڭ مەرەكەسى، بۇل كۇنى تۋىستار، دوستار، كورشىلەر جينالىپ، تۇسىنىسپەۋشىلىك بولعان جاعدايدا ءبىر-ءبىرىن كەشىرىپ، اللادان حالقىمىزعا بولاشاقتىڭ بىرلىكتە، اۋقاتتى بولۋىن سۇرايدى", - دەدى نۇرسۇلتان نازارباەۆ مولدانىڭ نامازىنان كەيىن.

"الەمدەگى بارلىق قاقتىعىس، ءبىرىنشى كەزەكتە، تەرريتوريادان، شەكارانىڭ انىق بولماعاندىعىنان شىعادى. ءبىز بۇل ماسەلەنى شەشتىك، ءبىزدىڭ شەكارامىز بارلىق جاعىنان دا دوستىق پەن تىنىشتىقپەن قورعالعان. ەكىنشىدەن قاقتىعىستار ۇلتارالىق قاقتىعىستاردان شىعادى. ءوز ۇلتىڭدى وزگەلەردەن بيىك قويۋ - ەڭ ۇلكەن كۇنا. جەر بەتىندەگى بارلىق ادامدار بىردەي، اللا ولاردى تەڭ ەتىپ جاراتتى. وزگەلەرگە قۇرمەت كورسەتۋ ارقىلى ءبىز ەلىمىزدە تىنىشتىقتى ساقتايمىز", - دەدى مەملەكەت باسشىسى.

قاقتىعىستاردىڭ ءۇشىنشى سەبەبى، ونىڭ ايتۋىنشا - دىنارالىق قاقتىعىستار، مۇنى قازىرگى ۋاقىتتا بۇكىل الەمنەن بايقاۋعا بولادى. ء"بىز - قازاقستاندىقتار ءوز دىنىمىزگە - مۇسىلمان دىنىنە قۇرمەتپەن، سۇيىسپەنشىلىكپەن قارايمىز، بىراق ءبىز وزگە دە دىندەر مەن سەنىمدەردى قۇرمەتتەيمىز. وسى نەگىزدە ءبىز بىرلىكتى، تاتۋلىقتى، دوستىقتى ساقتايمىز. بۇگىنگى مەيرامنىڭ ايتپاعى وسى. جالپى بارلىق قازاقستاندىق اللادان بەرەكە-بىرلىكتى، باقىتتى ءومىر مەن تىنىشتىقتى سۇرايدى. وسى ۇلى مەيرام باقىت پەن تىنىشتىقتى اكەلسىن. مەرەكەلەرىڭىز قۇتتى بولسىن، قۇرمەتتى وتانداستار", - دەپ قورىتىندىلادى پرەزيدەنت ءوز ءسوزىن.

اباي-اقپارات