جىنىستىق قاتىناس ءۇشىن دە سالىق تولە! نەبىر قىڭىر باستامالارىمەن تانىمال اتىشۋلى مۇرات تەلىبەكوۆ بۇگىن وسىنداي ۇسىنىس جاسادى. قازاقستان مۇسىلماندار وداعىنىڭ باسشىسى مۇنى سالىقتى كوتەرگەلى جاتقان بيلىككە جاۋاپ رەتىندە ۇسىنعانىن ايتىپ وتىر، - دەپ حابارلايدى كتك ارناسى.

ءتىپتى ەكونوميستەر جانە سالىقشىلارمەن اقىلداسىپ، جىنىستىق قاتىناس قۇنىن انىقتاعان. ماسەلەن، زاڭدى نەكەدەگى ادامدار ءبىر رەت توسەكتەس بولعانى ءۇشىن 584 تەڭگەدەن تولەۋى ءتيىس. ازاماتتىق نەكەدەگىلەر 748 تەڭگەدەن قاعىلسا، نەكەسىز بولعان جاقىندىقتىڭ قۇنى 1893 تەڭگەنى قۇرايدى. سونداي-اق، ءداستۇرلى ەمەس جانە ءبىرجىنىستى جاقىندىقتىڭ دا قۇنى انىقتالعان. ول الدەقايدا قىمبات. تەلىبەكوۆ زەينەت جاسىنداعى جانە مۇگەدەكتەردى بۇل سالىقتان بوساتسا، انا ءتىلىنىڭ جاناشىرى رەتىندە قازاق ءتىلىن مەڭگەرگەن ادامدارعا 50 پايىزدىق جەڭىلدىك كورسەتۋ كەرەك دەيدى. ال كىمنىڭ قاشان جانە قانشا رەت جىنىستىق قاتىناسقا تۇسكەنىن ءبىلۋ ءۇشىن ارنايى پولييا قۇرىپ، جۇرتتىڭ ۇيىنە ەشبىر ەسكەرتۋسىز باسا-كوكتەپ كىرۋگە قۇقىق بەرۋدى ۇسىندى.

مۇرات تەلىبەكوۆ، قازاقستان مۇسىلماندار وداعىنىڭ توراعاسى:

– ەر ادام مەن ايەل ادام ءبىر-بىرىنە قاتتى جاقىنداسا، سول ءۇشىن ۇكىمەتكە سالىق تولەيدى. قازىرگى قيىن كەزدە، داعدارىس كەزىندە بۇل ۇكىمەتكە ۇلكەن قامقورلىق، ۇلكەن جاردەم بولادى دەپ ويلايمىن. 

Aباي-اقپارات