ۇكىمەت وتىرىسىنان سوڭ دوساەۆ مۇنايدىڭ ورتاشى جىلدىق باعاسىن «حالىقارالىق قارجى ۇيىمدارى مەن ينۆەستيتسيالىق بانكتەردىڭ مۇناي باررەلىن 40 تان 30 دوللار ارالىعىندا» بولجاۋىنا بايلانىستى تومەندەتكەندەرىن، ال دوللاردىڭ ايىرباس باعامى بىلتىرعى قاراشادا بەكىتىلگەن 300 تەڭگەدەن 360 تەڭگەگە وسكەنىن حابارلادى. ء«بىز ءبارىبىر جاقسى ايماقتا تۇرمىز»، — دەدى ۇلتتىق ەكونوميكا ءمينيسترى.

مينيستر سونىمەن بىرگە، قازاقستانداعى يندۋستريالدى-يننوۆاتسيالىق جوبالار رەسپۋبليكا بيۋدجەتىنىڭ مۇمكىندىگىنە قاراي جۇزەگە اسىرىلاتىنىن، وسىعان بايلانىستى مەملەكەتتىك باعدارلامانى تەكسەرۋ ناۋرىز ايىندا اياقتالاتىنىن مالىمدەدى.

دوساەۆتىڭ سوزىنشە، قازاقستاندىق ەكونوميكا "جاڭا كەزەڭگە اياق باسقاندىقتان", ۇكىمەت ەل دامۋىنىڭ 2050 جىلعا دەيىنگى ستراتەگيالىق جاڭا جوسپارىن ازىرلەمەك.