سيريادا سايلاۋ وتەدى
سيريا پرەزيدەنتى باشار اساد 13 ساۋىرگە ەلدە پارلامەنت سايلاۋىن بەلگىلەدى. سايلاۋ مەرزىمى اقش پەن رەسەي سيريادا 27 اقپاننان باستاپ قاقتىعىستى توقتاتۋ تۋرالى كەلىسىمگە كەلگەن سوڭ كوپ ۇزاماي جاريالاندى.
اسادتىڭ پارلامەنت سايلاۋىن بەلگىلەۋ شەشىمى بۇۇ قاۋىپسىزدىك كەڭەسىنىڭ سيريادا قاقتىعىس توقتاعان سوڭ 18 اي ىشىندە پرەزيدەنت پەن پارلامەنت سايلاۋىن وتكىزۋگە شاقىرعان قارارىنا جاۋاپ رەتىندە قابىلدانعانى، يا باسقا سەبەپتەن شىققانى بەلگىسىز. سەبەبى قازىرگى پارلامەنتتىڭ وكىلەتتى مەرزىمى مامىر ايىندا اياقتالاتىندىقتان، سيريادا بيىل پارلامەنت سايلاۋى ءوتۋى ءتيىس. سيريادا پارلامەنت سايلاۋى ءتورت جىل سايىن وتەدى.
اسادتىڭ سايلاۋ وتكىزۋ تۋرالى جارلىعىندا سيرياداعى ءار پروۆينتسياعا پارلامەنتتەن قانشا ورىن بولىنەتىنى كورسەتىلگەن.
2012 جىلى مامىردا وتكەن سوڭعى پارلامەنت سايلاۋىندا اساد سول كەزدەگى اۋىل شارۋاشىلىعى ءمينيسترى رياد حيدجابتى پرەمەر-مينيستر ەتىپ تاعايىنداعان. كەيىن حيدجاب سيريادان قاشىپ كەتىپ، قازىر ساۋد ارابياسى استاناسى ەر-رياد قالاسىنان اساد رەجيمىنە قارسى باستى وپپوزيتسيالىق توپتى باسقارادى.
اباي-اقپارات
