قازتاگ اقپارات اگەنتتىگىنىڭ حابارلاۋىنشا، ۇندەۋگە 200-دەن استام ادام قول قويىپ ۇلگەرگەن. قازاقستاننىڭ تانىمال جۋرناليستەرى الەۋمەتتىك جەلىلەردە سەيىتقازى ماتاەۆۆۆقا قولداۋ ءبىلدىرىپ جاتىر.

ء"ادىل ءسوز" ءسوز بوستاندىعىن قورعاۋ ۇيىمى تاراتىپ وتىرعان ۇندەۋدىڭ اۆتورلارى باس پروكۋراتۋرادان بۇل ءىس بويىنشا تەرگەۋدى ەرەكشە باقىلاۋعا الۋدى جانە تەرگەۋدىڭ مەيلىنشە اشىق ءجۇرۋىن قامتاماسىز ەتۋدى سۇرايدى. جانە زاڭمەن بەكىتىلگەن كىناسىزدىك پرەزۋمپتسياسىنىڭ ساقتالۋىنا نازار اۋدارادى.

سەيىتقازى ماتاەۆ پەن ونىڭ ۇلى، قازتاگ اقپارات اگەنتتىگىنىڭ ديرەكتورى اسەت ماتاەۆ سىبايلاس جەمقورلىققا قارسى كۇرەس ۇلتتىق بيۋروسىنىڭ الماتىداعى بولىمىنە اكەتىلگەن. ءبىراز ۋاقىتتان سوڭ اسەت ماتاەۆ بوساتىلعانىمەن، سەيىتقازى ماتاەۆ ءالى دە قاماۋدا.

قۇزىرلى ورگاندار قازتاگ پەن ۇلتتىق ءباسپاسوز كلۋبى 2011–2015 جىلدارى قولدى بولعان 300 ميلليون تەڭگە (قازىرگى باعاممەن 850 مىڭ دوللار) قازىنانىڭ قارجىسىنا قاتىستى ءىس بويىنشا كۇدىككە ىلىنگەنىن حابارلايدى. ايىپتاۋدى جوققا شىعارعان ماتاەۆتار بولىپ جاتقان وقيعانى «ۇكىمەتتىك ەمەس ۇيىمدار مەن باق-قا قىسىم كورسەتۋ» دەپ باعالادى.

اباي-اقپارات