وزبەك مەكتەپتەرىندە ءماجبۇرلى تۇردە گينەكولوگيالىق تەكسەرۋ جۇرگىزىلۋدە
وزبەكستاننىڭ حورەزم وبلىسىندا 6-9 سىنىپتاعى قىز بالالاردى جاپپاي گينەكولوگيالىق تەكسەرۋدەن وتكىزىپ جاتىر.
ۋرگەنچ قالاسىنداعى №9 ورتا مەكتەپتىڭ مۇعالىمى جاپپاي گينەكولوگيالىق تەكسەرۋ حورەزم وبلىسى حالىقتىق ءبىلىم بەرۋ باسقارماسىنىڭ نۇسقاۋى بويىنشا جۇرگىزىلىپ جاتقانىن ايتتى.
– ولار بىزگە وقۋشىلاردى تەكسەرۋدەن وتكىزۋ ءۇشىن ەمحاناعا ەرتىپ اكەلۋدى بۇيىردى. ءبىز ولاردى توپ-توپقا ءبولىپ جىبەرىپ جاتىرمىز. ولارعا ۋلترادىبىستىق زەرتتەۋ جۇرگىزىپ جاتىر، – دەدى ۋرگەنچ قالاسىنىڭ مۇعالىمى.
قانداي ماقساتپەن وقۋشىلاردى گينەكولوگيالىق تەكسەرۋدەن وتكىزىپ جاتىر دەگەن سۇراققا مۇعالىم "وقۋشىلاردىڭ دەنساۋلىعىن تەكسەرۋ ءۇشىن" دەپ جاۋاپ بەردى.
الايدا وقۋشىلاردىڭ اتا-انالارى مۇنداي تەكسەرۋلەرگە قارسى ەكەنىن، ءارى وزدەرىنىڭ رۇقساتىن الماعانىن ايتادى.
ۋرگەنچ قالاسىنىڭ تۇرعىنى نورجوننىڭ مەكتەپ جاسىنداعى ءۇش قىزى بار. ول "وزودليك" راديوسىنا (ازاتتىقتىڭ وزبەك قىزمەتى) گينەكولوگيالىق تەكسەرۋلەر كامەلەتتىك جاسقا تولماعان قىز بالالاردىڭ جۇكتى بولىپ قالۋدان الدىن-الۋ ءۇشىن جۇرگىزىلگەنىن ايتقان.
اباي-اقپارات
