رەيتينگتى قۇراستىرۋشىلار ءتۇرلى 50 فاكتورلاردى ەسەپكە الادى ەكەن، ونىڭ ىشىندە – ەلدەگى قارۋدىڭ جالپى سانى، ەل ەكونوميكاسىنىڭ احۋالى، جاعرافيالىق ورنالاسۋى، تابيعي رەسۋرستارى، اسكەري قىزمەتكە جارامدى حالىق سانى جانە تاعى باسقالارى. يادرولىق الەۋەت پەن ساياسي/اسكەري باسشىلىق دەڭگەيىنىڭ ەسەپكە الىنبايتىنى اتاپ كورسەتىلگەن. رەيتينگ ورتالىق بارلاۋ باسقارماسى (اقش), ەنتسيكلوپەديالىق رەسۋرستار، باق-تاعى جاريالانىمدار جانە باسقا دەرەككوزدەرى مالىمەتتەرىنىڭ نەگىزىندە دايىندالعان.
«ازيا — تىنىق مۇحيت» ايماعى ەلدەرىنىڭ اراسىندا اسكەري قۋاتتىلىق جاعىنان قازاقستان 21-ورىندا تۇر
رەيتينگكە سايكەس، وزبەكىستاندا اسكەري قىزمەتكە 13,3 ملننان استام ادام جارامدى ەكەن، جىل سايىن 600 مىڭنان استام ادام اسكەري قىزمەتكە شاقىرۋ جاسىنا جەتەدى، ارميا قۇرامىنىڭ سانى — 65 مىڭ ادام
ەل اسكەرىنىڭ يەلىگىندە — 420 تانك، 715 بتر جانە بمپ، 880 بىرلىك سۇيرەلمەلى ارتيللەريا، 143 ءوزى جۇرەتىن ارتيللەريالىق قوندىرعىلار، 109 دۇركىندەتىپ اتاتىن رەاكتيۆتىك جۇيەلەر، 166 ۇشاقتار، ونىڭ ىشىندە – 69 توسقاۋىلشى/يسترەبيتەل جانە 50 جۇك ۇشاعى، سونداي-اق 69 تىكۇشاقتار بار. رەيتينگتى قۇراستىرۋشىلاردىڭ مالىمەتتەرى بويىنشا، وزبەكىستاننىڭ قورعانىس بيۋدجەتى $70 ملن قۇرايدى ەكەن، بۇل، البەتتە، كۇمان تۋدىرادى: «ۆيكيپەديا» دەرەكتەرى بويىنشا، 2010 جىلى وزبەكىستان قورعانىس سالاسىنا $1,7 ملردتان استام قارجى جۇمساعان. 2014 جىلى «فەرگانا» بۇل ەلدىڭ قورعانىس بيۋدجەتى شامامەن $2 ملرد قۇرايتىنىن حابارلادى.
قازاقستاندا (globalfirepower.comدەرەكتەرى بويىنشا) اسكەري قىزمەتكە 6,44 ملن ازامات جارامدى ەكەن، جىل سايىن 245 مىڭ ادام اسكەري قىزمەتكە شاقىرۋ جاسىنا تولادى، ارميا قۇرامىنىڭ سانى — 110 مىڭ ادام
ارميادا 300 تانك، 1613 بتر جانە بمپ، 285 ءوزى جۇرەتىن قوندىرعىلار، 744 بىرلىك سۇيرەلمەلى ارتيللەريا، 393 دۇركىندەتىپ اتاتىن رەاكتيۆتىك جۇيەلەر، جاعالاۋدى قورعايتىن 12 كەمە، 244 ۇشاقتار، ونىڭ ىشىندە – 103 توسقاۋىلشى/يسترەبيتەل جانە 64 جۇك ۇشاقتارى، سونداي-اق 69 تىكۇشاقتار بار. قازاقستاننىع قورعانىس بيۋدجەتى $2435 ملن قۇرايدى.
قىرعىزستانداعى اسكەري قىزمەتكە جارامدى حالىقتىڭ سانى 2,377 ملن قۇرايدى، جىل سايىن 111 مىڭ ادام اسكەري قىزمەتكە شاقىرۋ جاسىنا تولادى، 16.500 ادام اسكەردە قىزمەت ەتەدى
ارميانىڭ يەلىگىندە 150 تانك، 438 بتر جانە بمپ، 30 ءوزى جۇرەتىن قوندىرعىلار، 159 بىرلىك سۇيرەلمەلى ارتيللەريا، 21 دۇركىندەتىپ اتاتىن رەاكتيۆتىك جۇيەلەر، 6 ۇشاق، ونىڭ ىشىندە – 4 جۇك ۇشاعى جانە 6 تىك ۇشاق بار. قىرعىزستاننىڭ قورعانىس بيۋدجەتى $240 ملن قۇرايدى.
تاجىكستاندا اسكەري قىزمەتكە 3,2 ملن ادام جارامدى، جىل سايىن 152 مىڭ ادام اسكەرگە شاقىرۋ جاسىنا جەتەدى، ارميانىڭ ساندىق قۇقرامى – 6000 ادام
ەلدە — 37 تانك، 46 بتر جانە بمپ، 0 ءوزى جۇرەتىن قوندىرعى، 10 بىرلىك سۇيرەلمەلى ارتيللەريا، 3 دۇركىندەتىپ اتاتىن رەاكتيۆتىك جۇيەلەر، 25 ۇشاق، ونىڭ ىشىندە توسقاۋىلشى/يسترەبيتەل – 0 جانە 15 جۇك ۇشاقتارى، سونداي-اق 20 تىك ۇشاق بار. تاجىكستاننىڭ قورعانىس بيۋدجەتى $75 ملن قۇرايدى.
تۇركىمەنستانداعى اسكەري قىزمەتكە جارامدى حالىقتىڭ سانى 2,255 ملن قۇرايدى، جىل سايىن 110 مىڭ ادام اسكەري قىزمەتكە شاقىرۋ جاسىنا تولادى، 122 مىڭ ادام اسكەردە قىزمەت ەتەدى
ارميادا 712 تانك، 1941 بتر جانە بمپ، 68 ءوزى جۇرەتىن قوەندىرعى، 269 بىرلىك سۇيرەلمەلى ارتيللەريا، 110 دۇركىندەتىپ اتاتىن رەاكتيۆتىك جۇيەلەر، 63 ۇشاق، ونىڭ ىشىندە — 24 توسقاۋىلشى/يسترەبيتەل جانە 18 جۇك ۇشاعى، سونداي-اق 16 تىكۇشاق بار. تۇركىمەنستاننىڭ قورعانىس بيۋدجەتى $200 ملن قۇرايدى.
العاشقى ءۇش ورىنعا، تيىسىنشە، اقش، رەسەي جانە قىتاي ورنالاسقان. سوڭعى ءۇش ورىنعا مالي، موزامبيك، سومالي جايعاسىپتى.
ورىسشادان اۋدارعان قايرات ماترەكوۆ
