ۇستالعانداردىڭ باسىم بولىگى بۇعان دەيىن اقش جانە وزگە الىس شەتەلدەردە جۇمىس ىستەپ كەلگەن. ولاردىڭ بارىنە «سالافيا» ءدىني اعىمىنا قاتىسى بار دەگەن ايىپ تاعىلدى.

ۇستالعانداردىڭ تۋىستارى ولاردى الدىمەن 15 تىۋلىككە ۇستاعانىن، كەيىن قىلمىستىق ءىس قوزعالعانىن حابارلادى. قامالعانداردىڭ كەيبىرى وزبەكستانعا ءۇش جىل بۇرىن ورالعان، كەبىرى جاقىندا عانا شەتتەن كەلگەن.

وزبەكستاندا شەتەلدەن كەلگەن ازاماتتاردى تۇتقىنداۋ 2015 جىلدىڭ قاراشاسىندا باستالعان ەدى. ول كەزدە «ازاتتىق» راديوسىنىڭ وزبەك قىزمەتى تاشكەنت قالاسى مەن وبلىسىندا 200-دەن استام ادامنىڭ قامالعانىن حابارلاعان بولاتىن.

باقىلاۋشىلار 14 ازاماتتىڭ ۇستالۋىن بىلتىر باستالعان جاپپاي تۇتقىنداۋدىڭ جالعاسى دەپ سانايدى. ايىرماشىلىعى، وتكەن جىلى ۇستالعانداردىڭ «يم» توبىمەن بايلانىسى بار دەلىنسە، ەندى شەتەلدەن ورالعان وزبەك ازاماتتارىنا «سالافيزم» ايىبى تاعىلۋدا.

باقىلاۋشىلار بىلتىر اباقتىدا تۇسكەندەر تەرگەۋ بارىسىندا باسقالارعا قارسى كۋالىك بەرۋى مۇمكىن ەكەنىن دە جوققا شىعارمايدى.

اباي-اقپارات