قازاقستاننىڭ نەسيە رەيتينگى «قوقىستىق» مارتەبەسىمەن شەكتەسەتىن ەكى ساتىعا تومەندەتىلگەن، ال رەسەيدىڭ رەيتينگى «قوقىستىق» دەڭگەيدىڭ جوعارعى ساتىسىندا قالدى.

Wall Street Journal ەلدەردىڭ دەڭگەيىن قايتا قاراۋعا مۇناي باعاسىنا قاتىستى بولجام اسەر ەتكەنىن حابارلايدى. سوڭعى بولجامدار بويىنشا، Brent ماركالى مۇنايدىڭ باررەلى 2016 جىلى 40 دوللار جانە 2018 جىلى 50 دوللار بولادى. S&P ماماندارى قاڭتاردىڭ باسىنداعى كاتار، رەسەي، ساۋد ارابياسى جانە ۆەنەسۋەلانىڭ مۇناي ءوندىرۋ كولەمىن شەكتەۋ تۋرالى شەشىمى مۇناي باررەلىنىڭ قۇنىنا «ايتارلىقتاي ىقپال» ەتە المايدى دەپ سانايدى.

S&P ​"قازاقستاندا مۇناي سالاسىنان تۇسەتىن تابىس ءجىو 20 پايىزعا جۋىعىن، سالىق تابىسىنىڭ 50 پايىزىن جانە ەكسپورتتىڭ 60 پايىزىن قۇرايتىنىن" ايتادى. S&P ساراپشىلارى "2016 ءجىو ءوسۋى توقتايدى نەمەسە ءبىراز قىسقارادى،بىراق الىپ وففشورلىق قاشاعان كەن ورنى مەرزىمىنەن بۇرىن ىسكە قوسىلسا مۇناي ءوندىرۋ مەن ونىڭ ەكسپورت كولەمى ءوسۋى مۇمكىن", - دەپ سانايدى. Wall Street Journal باسىلىمىنىڭ جازۋىنشا، S&P سونىمەن بىرگە، ەكونوميكانى "جانداندىرۋ" ءۇشىن 14,5 ميلليارد دوللار قارجى قۇيۋ كوزدەلسە دە، ۇكىمەت 2016 جانە 2017 جىلدارى سالىق تاپشىلىعىنان قۇتىلمايدى دەگەن پىكىردە.

اباي-اقپارات