ماقپال ءجۇنىسوۆا: باسقا مەملەكەتكە كەتىپ قالۋىم مۇمكىن
قازاقتىڭ ەركە قىزى ماقپال ءجۇنىسوۆا كونتسەرتتەردە بوي كورسەتكەنىمەن، وتاندىق تەلەارنالاردىڭ ءوزىن ەفيرگە شىعارمايتىنىنا نالىدى. قايدا بارسا دا، الدىنان كەسە-كولدەنەڭ كەدەرگىلەر شىعاتىن حالىق ءارتىسى ءوز ەلىنەن كەتۋدى دە ويلاستىرىپ جۇرگەندەي، دەپ جازادى Nur.kz Comode.kz-كە سىلتەمە جاساپ.
ماقپال ءجۇنىسوۆا سۇحبات بارىسىندا قىزى مەرەي اياققا تۇرىپ كەتكەن سوڭ، ەلدەن كەتۋى مۇمكىن ەكەنىن اشىق ايتتى. بۇعان سەبەپ، ءانشىنىڭ ونەرى وتاندىق ارنالاردان كورسەتىلمەۋىندە ەكەن.
جاسىرمايمىن، ونداي ويىم بار. ءوزىڭىز دە كورىپ وتىرسىز، ەشقايدا شىعارمايدى. مەن قاشانعى جىلاي بەرمەكپىن؟ وعان دەيىن زەينەتكە دە شىعىپ قالارمىن. باسقا مەملەكەتكە بارۋىم نە بولماسا تۋعان جەرىمە كەتىپ قالۋىم مۇمكىن. اۋىلىما بارىپ، باۋىرلارىمنىڭ جانىندا تىپ-تىنىش ءومىر سۇرگەنگە نە جەتسىن؟”، – دەدى ماقپال ءجۇنىسوۆا.
ارتىسكە الماتىداعى ۇلكەن ءۇيدى ۇستاپ تۇرۋدىڭ ءوزى وڭايعا تۇسپەيتىن كورىنەدى. كۇندەلىكتى ءۇي شارۋاسىنا كوپ قارجى جۇمساۋىنا تۋرا كەلەدى. كولىك جۇرگىزە بىلمەيتىن ءانشى قازىردە رولگە وتىرۋعا مۇلدەم قورقادى. سول ءۇشىن جۇرگىزۋشى جالدايدى.
ء“بىر تيىن دا جيناماپپىن. ايتقانىمداي، ارتىق اقشام بولسا، ءبارىن تاراتىپ جۇرەدى ەكەنمىن. ءبىر ءۇيىمدى ساتىپ، دەپوزيتكە سالسام با دەپ ەندى ويلانىپ وتىرمىن. ءبارى ۋاقىتتىڭ ەنشىسىندە. قىزىم امان-ەسەن مەكتەبىن اياقتاپ، جاقسى وقۋعا تۇسسە دەيمىن. ودان باسقا ماقسات-مۇرات جوق. نەسىبەمىزگە قاراي بۇيىرعانىن كورەرمىز. شاقىرعان جەردەن قالماي، شاقىرماعان جەرگە بارمايمىن. جاعدايىمدى جاسايتىن بولسا، ءان ايتۋعا دايىنمىن”، – دەدى حالىق ءارتىسى جوسپارىمەن ءبولىسىپ.
Nur.kz
