وباما مەن پۋتين سويلەستى
اقش پرەزيدەنتى باراك وباما تەلەفون ارقىلى سوزىندە رەسەي پرەزيدەنتى ۆلاديمير پۋتينگە رەسەيدىڭ سيرياداعى وپپوزيتسيا كۇشتەرىنە اۋەدەن سوققى بەرۋدى توقتاتۋ تۋرالى ەسكەرتتى.
اق ءۇيدىڭ ءباسپاسوز قىزمەتى وبامانىڭ سيرياداعى قارۋلى قاقتىعىستى توقتاتۋدا ماسكەۋدىڭ سىندارلى ساياساتىنىڭ ماڭىزدىلىعىن باسا ايتقانىن حابارلايدى.
ۋكراين ماسەلەسى تۋرالى ءسوز قوزعالعاندا وباما رەسەيشىل جىكشىلدەردىڭ مينسك كەلىسىمدەرىن ورىنداۋعا مىندەتتى ەكەنىن اتاپ وتكەن. ول ۋكراينانىڭ شىعىس بولىگىندە ەقىۇ تالاپتارىنا ساي كەلەتىن سايلاۋ وتكىزۋ تۋرالى تەزىرەك كەلىسىمگە كەلۋدى جاقتايدى.
كرەملدىڭ ءباسپاسوز قىزمەتى تەلەفون بايلانىسى امەريكالىق تاراپتىڭ باستاماسىمەن بولعانىن حابارلادى. سونىمەن بىرگە قوس پرەزيدەنتتىڭ ۋكراينانىڭ شىعىسىندا اتىستى توقتاتىپ جانە گۋمانيتارلىق كومەك كورسەتۋ ماسلەلەرىنە قولداۋ بىلدىرگەنىن، پرەزيدەنت ءپۋتيننىڭ سيريادا ورتاق انتيتەررورلىق مايدان قۇرۋعا شاقىرعانىن جەتكىزدى.
اباي-اقپارات
