ونىڭ ادۆوكاتى جانار بالعاباەۆا قوعامدى وسى مالىمدەمەمەن تانىستىرۋدى ءجون ساناعان.

ءبىر پاراققا قولمەن جازىلعان «وكىنۋدە»، نارىمباەۆ ءوزىنىڭ «كونستيتۋتسيانىڭ مۇمكىندىگىن اسىرا باعالاعانىنا وكىنەتىنىن»، ء«سوز بوستاندىعى مەن كوزقاراسىن ەركىن ءبىلدىرۋدىڭ جوق ەكەنىن بىلمەگەنى ءۇشىن ايىپتى ەكەنىن»، «ويدان قۇراستىرىلعان ايىپقا سەبەپ بولعانى ءۇشىن وكىنەتىنىن» جازعان.

بالعاباەۆانىڭ ايتۋىنشا، بۇل «وكىنۋدىڭ» ءماتىنى نارىمباەۆتىڭ ىسىنە تىركەلمەگەن. قورعاۋشى ءماتىندى المالى اۋداندىق سوتىنىڭ سۋدياسى مارال جارىلعاسوۆاعا بەرۋگە نيەتتى. بۇگىن ءبىرىنشى سوت ساتىسىنداعى بەينەجازبالارمەن تانىسۋى ءۇشىن نارىمباەۆتى سوندا اپارۋى ءتيىس. ادۆوكات سۋديا جارىلعاسوۆا 10 اقپاندا بەرىلگەن ەرمەك نارىمباەۆقا قاتىستى جازانى وزگەرتۋ تۋرالى شاعىمدى قارايدى دەپ ۇمىتتەنەدى.

— ول ينتەرنەت ارقىلى وكىنىش ءبىلدىرىپ، كەلەسى كۇنى بوساتىلعان سەرىكجان مامبەتاليننىڭ ارەكەتىن قايتالادى، — دەيدى جانار بالعاباەۆا.

ازاماتتىق بەلسەندى ەرمەك نارىمباەۆ اۆتورى مۇرات تەلىبەكوۆ دەلىنگەن داۋلى «ۆەتەر س ۋليتسى» كىتابىنىڭ ءۇزىندىسىن الەۋمەتتىك جەلىدە كوشىرىپ باسقانى ءۇشىن «الەۋمەتتىك ارازدىق» تۋدىردى دەگەن ايىپپەن ءۇش جىلعا سوتتالعان ەدى. ونىمەن بىرگە ەكى جىلعا سوتتالعان بەلسەندى سەرىكجان مامبەتالين بىرنەشە اپتادان كەيىن كىناسىن مويىنداپ، وكىنىش بىلدىرگەن سوڭ قاماۋدان بوساتىلدى.

سەرىكجان مامبەتالين مەن ەرمەك نارىمباەۆ قر قك 174 بابىمەن «الەۋمەتتىك، ۇلتتىق، تەكتىك، تاپتىق جانە ءدىني الاۋىزدىق» تۋدىردى دەگەن ايىپپەن سوتتالعان ەدى. سوتتالۋشىلار سوتتا ايىپتى مويىندامادى، ونىڭ جاقتاستارى مەن قۇقىق قورعاۋشىلار بۇل ءىستىڭ ساياساي استارى بارىن ايتادى.

اباي-اقپارات