قازاقستاندىق ءانشى ايقىن مەن گرۋزين ءانشىسى سوسو پاۆلياشۆيلي ء«ار كۇنى» («كاجدىي دەن») كومپوزيتسياسىنا بەينەبايان ءتۇسىردى. 10 اقپاندا الماتى قالاسىندا تانىستىرىلىم بولىپ ءوتتى، — دەپ حابارلايدى Tengrinews.kzء تىلشىسى.

ورىنداۋشىلار 2015 جىلدىڭ قاراشاسىندا بىرلەسىپ جۇمىس ىستەي باستاعان ەدى. سول كەزدە ايقىن رەسەيدىڭ جانە شەتەلدىڭ ارتىستەرىن قازاقستان تەرريتورياسىندا ۇسىناتىن اسلان تىلەۋباەۆپەن تانىسقان. تىلەۋباەۆ ايقىننان كىممەن بىرگە ءان ايتقىسى كەلەتىنىن سۇراعان، ءانشى سوسو ءپاۆلياشۆيليدى ءسۇيىپ تىڭدايتىنىن ايتادى. كەلىسسوزدەردەن كەيىن ارتىستەر بىرگە بەينەبايان تۇسىرەدى دەگەن شەشىم قابىلدانادى. بەينەباياننىڭ رەجيسسەرى ۆالەري زادارنوۆسكي.

ء«ار كۇنى» ءانىنىڭ اۆتورى سوسو ءپاۆلياشۆيليدىڭ ءوزى، قازاق تىلىندەگى ءسوزىن ارمان دۇيسەنوۆ جازىپ بەردى. ايتا كەتەيىك، ارتىستەر بەينەباياندى جۇبايلارىنا ارناپ وتىر. ماسەلەن، ۆيدەودا ايقىننىڭ ايەلى اسەل مەن سوسونىڭ جۇبايى يرينانى كورۋگە بولادى. «سوسومەن سويلەسكەنىمىزدە ول ءوز ايەلدەرىمىزدى تۇسىرسەك جاقسى بولار ەدى دەدى. ول ءانىن وزىمەن كۇن سايىن بىرگە بولاتىن سۇيىكتىسىنە ارنادى. مەن وعان ەشقاشان ايەلىمدى جۇرت الدىنا شىعارماعانىمدى ايتتىم. بىراق ول مەنى كوندىردى. مەنىڭ ايەلىم اسەليا ەڭ باسىندا كەلىسپەگەن ەدى، سەبەبى ول جۇكتىلىكتىڭ ءتورتىنشى ايىندا. ونى دا ايتەۋىر كوندىردىك. ءتورت كۇندە ارەڭ كوندىردىك»، — دەدى ايقىن.

قازىرگى ۋاقىتتا ايقىن 2 ناۋرىزدا رەسپۋبليكا سارايىندا وتەتىن جەكە كونتسەرتىنە دايىندالىپ جاتىر. ول كورەرمەندەرىنە 3D ەلەمەنتتەرى بار بىرەگەي شوۋ كورسەتۋگە ۋادە بەردى. سول كۇنى ونى قولداپ جاقىن ارىپتەستەرى نۇرجان كەرمەنباەۆ، ديلناز احماديەۆا، ماقپال يسابەكوۆا، داستار ورازبەكوۆ، لۋينا جانە قانات سىبانوۆ كەلەدى. «بۇل مەنىڭ ساحنادا جۇرگەن 13 جىلىمداعى الماتىداعى ەكىنشى جەكە كونتسەرتىم بولادى. سوندىقتان بۇل ۇلكەن جاۋاپكەرشىلىك. دايىندالىپ جاتقانىمىزعا كوپ بولدى، بارلىق كورەرمەنىمىز ەلدەگى داعدارىستى ءبىر ۋاقىت ۇمىتىپ، جاقسى، جاندى مۋزىكا تىڭداسىن دەپ، ولارعا جاقسى كوڭىل-كۇي سىيلاعىمىز كەلەدى»، — دەدى ايقىن.

Abai.kz