كەيىنگى كۇندەرى قاھارىنا مىنگەن اياز ءالى بىرەر كۇن ساقتالىپ، ءتىپتى كەيبىر ايماقتاردا ودان سايىن كۇشەيە تۇسپەك.

اتاپ ايتقاندا، ەلىمىزدىڭ ورتالىق جانە شىعىس ايماقتارىندا سىناپ باعاناسى -30 گرادۋسقا دەيىن تومەندەيدى دەپ حابارلايدى 24 ارنا.

مۇنداي سالقىندىق باتىس وڭىرلەردە دە بايقالادى. بىراق ەشقانداي جاۋىن-شاشىن مەن جەلدىڭ كۇشەيۋى بولمايدى.

"تاياۋ ارالىقتاعى تاۋلىكتە قازاقستاننىڭ كوپتەگەن ايماعىندا اۋا رايى جاۋىن-شاشىنسىز، اشىق، ايازدى بولادى. باتىس وڭىرلەردە اۋانىڭ تۇنگى تەمپەراتۋراسى 5-10 گرادۋس اياز بولادى. سولتۇستىكتە 10-15, كەي جەرلەردە – 18 گرادۋس اياز. ورتالىقتا جانە شىعىس قازاقستاندا – 20-25, كەي جەرلەردە 30 گرادۋس ايازعا دەيىن بارادى. ال وڭتۇستىكتە 20 گرادۋس ايازعا دەيىن بارادى", - دەيدى  «قازگيدرومەت» رمك ينجەنەر-سينوپتيگى ءلاززات كەرىموۆا.

اباي-اقپارات