كەشەدەن بەرى فب-دان مىرجاقىپ اتامىزدىڭ ءالىبي جانكەلدين جايىندا جازعان ماقالاسى تۋرالى ءبىر-بىرىمەن ءبولىسىپ، ءتۇرلى پىكىر ايتىپ جاتقان اعايىندى كورىپ، ويلاندىم. ەكەۋى دە مەنىڭ اتام. ەكەۋى دە ەلى ءۇشىن باسىن بايگەگە تىككەن ازامات.

اناۋ ۇلتشىل، مىناۋ قىزىلشىل دەپ ايتۋعا اۋزىم بارمايدى. ارينە، ۇستانعان پوزيتسياسى، كوزقاراسى بولەك بولعانمەن، (بۇگىنگى كۇندە دە ءتۇرلى پارتياعا ءبولىنىپ ءجۇرمىز عوي) تۇپكى ۇستانىمدارى ءبىر بولدى. ولاردا قايتسە قازاق حالقى كوگەرەدى دەگەن وي بولعانى انىق.

جالپى، ءالىبي جانكەلدين مىنەزى جۇمساق، قايىرىمدى كىسى بولعان. الاشتىڭ ارداقتى تۇلعالارىمەن دە جاقسى ارالاسقان. احمەت بايتۇرسىنوۆپەن ىزگى كوڭىلدە سىيلاسقان. 1919 جىلى تورعايدا بولعان وقيعا كەزىندە ءالىبي جانكەلدين الاش ازاماتتارىن قۇتقارىپ قالعان. بەلگىلى قالامگەر ساپابەك ءاسىپ وسى تاعدىرى كۇردەلى تۇلعا جايىندا كىتاپ جازدى. قاھارمان قاسىم قايسەنوۆتىڭ ءالىبي اتامىز تۋرالى ەستى ەستەلىگى بار. ارداقتى ازامات بايقادام قارالدين حالىق جاۋى بولىپ اتىلىپ كەتكەندە، ونىڭ ارتىندا قالعان ۇرپاقتارىن ادەيى ەلگە كەلىپ، الماتىعا الىپ كەتكەن. كومەك كورسەتكەن. ول تۋرالى دانابيكە قارالدينا اپامىز ايتادى. كورنەكتى سۋرەتشى، بالالار ۇيىندە وسكەن مولداحمەت كەنباەۆقا دا قامقورلىق جاساعان. ول كىسى ءالىبيدىڭ تۇلعاسىن قىلقالاممەن بەينەلەگەن.

ال، مىرجاقىپ اتامىزدى بارلىق قازاق قادىر تۇتادى. سوندىقتان، وسى تۇلعالاردىڭ ءبىر-ءبىرى تۋرالى ايتقان ارتىق-كەم پىكىرلەرىن قايتا-قايتا كوتەرە بەرۋدىڭ قاجەتى قانشا...؟ ودان قايتا، سول كىسىلەردى الالاماي ارداقتايىق. اتالارىمىزدان قالعان ونبەس داۋدى قۋىپ، ۇشپاققا شىقپايمىز. اسىلدارىمىزعا اباي بولايىق!

ازامات ەسەنجول

Facebook-تەگى پاراقشاسىنان