قازاقستاننىڭ «ساۋدا ميسسياسى» يراندى حالىقارالىق سانكتسيادان الىپ تاستاعاننان كەيىن ەكى ەلدىڭ دامۋ جولىن ءبىرىنشى رەت تالقىلاپ جاتىر.

قازاقستاندىق دەلەگاتسيانىڭ قاتىسۋىمەن تەگەراندا ءتۇرلى بيزنەس-فورۋمدار، رەسمي كەزدەسۋلەر ءوتىپ جاتىر. قازاقستان ءوز كەزەگىندە تاۋارلاردى ەكسپورتتاۋ ماسەلەسىنە مۇمكىنشىلىك بەرۋدە.

250 ادامنان تۇراتىن دەلەگاتسيانى دامۋ جانە ينۆەستيتسيا جونىندەگى مينيستر اسەت يسەكەشەۆ باستاپ بارعان.

يران تارابى بولسا، قازاقستاندىقتارعا پارسى شىعاناعى پورتىن دامىتۋ جونىندە ۇسىنىس جاسادى.

ارنايى ساپار بارىسىندا قازاقستان تەگەرانمەن ۇزاق مەرزىمگە قازاق ەتىن يرانعا تاسىمالداۋ جونىندە كەلىسىمگە كەلدى. كەلىسىم قۇنى 30 ميلليارد دوللارعا باعالانىپ وتىر. بۇگىندە قازاقستاندا 160 بىرلەسكەن قازاق-يران كاسىپورنى جۇمىس ىستەيدى.