«نۇر وتان» پارتياسىنىڭ اتىنان ءماجىلىس پەن جەرگىلىكتى ءماسليحاتتار دەپۋتاتتىعىنا سايلاۋعا تۇسۋگە نيەت بىلدىرگەن بەلگىلى بوكسشى گەننادي گولوۆكيننىڭ ارەكەتى ەشقانداي دا زاڭعا قايشى ەمەس.

بۇل تۋرالى «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ ايتتى دەپ حابارلايدى baq.kz.

ورتالىق سايلاۋ كوميسسياسىندا «نۇر وتان» پارتياسى اتىنان 127 كانديتات تىركەپ، كۋالىك بەرۋ شاراسىنان كەيىن باق وكىلدەرىنىڭ ساۋالىنا جاۋاپ بەرگەن  مىرزاحمەتوۆ گولوۆكيننىڭ ەلدە كوپ بولماۋىنان ەشقانداي زاڭعا قايشى ارەكەت كورىپ تۇرماعاندىعىن اتاپ ءوتتى.

ء"بىزدىڭ زاڭگەرلەرىمىز ۇمىتكەرلەردىڭ وسى كەزگە دەيىنگى ءجۇرىس-تۇرىسى مەن ارەكەتتەرىن مۇقيات زەرتتەپ، زەردەلەپ شىقتى. ولاردىڭ ەشبىرى دە ەل كونستيتۋتسياسى مەن سايلاۋ تۋرالى زاڭنىڭ باپتارىنا تومپاق كەلمەيدى. ارينە، ول سپورتتىق مانساپتا بيىكتەردى باعىندىرۋ ءۇشىن ۋاقىتىنىڭ كوپ بولىگىن شەت ەلدە وكىزۋىنە تۋرا كەلەدى. الايدا، ول ەڭ الدىمەن قازاقستان رەسپۋبليكاسىنىڭ ازاماتى جانە ەلىمىزدە رەسمي تىركەۋدە تۇرعان تۇلعا. سوندىقتان دا ءبىز ونى ءوز ءوز پارتيامىزدىڭ اتىنان ۇسىنۋدامىز", - دەدى اسقار مىرزاحمەتوۆ.

سونىمەن قاتار، توراعا ورىنباسارى قايرات نۇرتاستىڭ دەپۋتاتتىق مانداتتان ۇمىتكەر رەتىندە تىركەلىپ، ۇگىت-ناسيحات جۇمىستارىن جۇرگىزۋگە قۇقىلى ەكەندىگىنە توقتالدى.

"الايدا، ول ۇگىت-ناسيحات جۇرگىزۋ كەزىندە سايلاۋ تۋرالى زاڭ تالاپتارىن ساقتاۋى قاجەت. ياعني، جەكە كونتسەرتى مەن سايلاۋالدى ناسيحات جۇمىستارىن شاتاستىرىپ الماي، تالاپقا ساي ارەكەت ەتكەنى ءجون", - دەدى ول.

Abai.kz