داماسك دەلەگاتسياسى مەن وپپوزيتسيا وكىلدەرىمەن جەكە-جەكە كەزدەسۋدەن كەيىن، ول كەڭەس 25 اقپاندا قايتا جالعاسادى دەدى. دە ميستۋرانىڭ سوزىنشە، «جۇمىستىڭ جالعاسۋى تەك بىزگە عانا ەمەس، بارلىق قىزىعۋشىلىق تانىتىپ وتىرعان مەملەكەتتەر ءۇشىن دە ماڭىزدى». ول «مەن ءبىرىنشى كۇننەن باستاپ، ءجاي اڭگىمە ءۇشىن كەزدەسۋدى قالامايتىنىمدى ايتقانمىن»،-دەپ اتاپ ءوتتى.

دە ميستۋرا ءۇزىلىس ساتسىزدىكتى بىلدىرمەيدى دەيدى. ونىڭ پىكىرىنشە، بەيبىت كەلىسىم حالىقارالىق قاۋىمداستىق ءۇشىن ماڭىزدى، ونىڭ ىشىندە رەسەي مەن اقش-قا نەگىزگى پروبلەمانى شەشۋ ءۇشىن.

سيريا وپپوزيتسياسى بولسا، ۇكىمەتىنەن قورشاۋدا قالعان 18 اۋدانعا گۋمانيتارلىق كومەكتىڭ جىبەرىلۋىن تالاپ ەتەدى. داماسك كەيبىر ەلدىمەكەندەرگە ازىق-تۇلىك تيەلگەن جۇكتى جىبەردى، بىراق سول مەزەتتە رەسەيدىڭ جويقىن ۇشاعىنىڭ كومەگىمە وپپوزيتسيا باقىلايتىن ايماققا، شابۋىلدار جاسادى.

اباي-اقپارات