قاراقات ءابىلدينا: سايلاۋعا ءتۇسۋ – ساحنادا ءان سالۋ ەمەس
“مەن قاراعاندى وبلىسى بويىنشا سەزگە قاتىسۋعا شاقىرتۋ الىپ، كەلىپ وتىرمىن. جالپى نيەتىمىز — ەلباسىنى، مەملەكەت ساياساتىن قولداۋ. تەك ويلايتىنىمىز — ەلىمىز بەيبىتشىلىكتە، گۇلدەنە بەرسىن جانە تاۋەلسىزدىگىمىزدىڭ كوك تۋى جەلبىرەي بەرسە دەيمىز.
الداعى وتەتىن سايلاۋدان كۇتەرىم، دەپۋتاتتىققا وتەتىن ءاربىر ادام ەلىمىزدەگى ەل يگىلىگى ءۇشىن اتقارىلار ءاربىر ىستە، باعدارلامالاردى جۇزەگە اسىرۋ ءۇشىن ءوز سالاسىنىڭ بىلىكتى مامانى بولسا دەيمىن. اتالعان باعدارلامالاردىڭ جۇيەلى تۇردە ءوزىنىڭ ناتيجەلى جەمىسىن بەرەتىنىنە سەنەمىن” – دەيدى ءانشى.
— سايلاناتىن دەپۋتاتتاردىڭ اراسىنان جاستاردى كوبىرەك كورگىڭىز كەلە مە؟
— يا، كوبىرەك كورگىم كەلەدى. بىراق جاستاردىڭ كەلۋىنە مەنىمشە، جەڭىل-جەلپى قاراماي، سالماقتى تۇردە قاراۋ كەرەك شىعار؟ سەبەبى، ول ءبىر رەت شىعا سالىپ ءان ايتىپ كەتە بەرەتىن ساحنا ەمەس. وي ەلەگىنەن وتكىزىپ، ساليحالى، سانالى تۇردە قاراپ، اسا ءمان بەرگەن دۇرىس.
دەرەككوز: munara.kz
