ناسيبا - الەمدەگى ەڭ ادەمى ستۋدەنتتەردىڭ ءبىرى
27-رەت ءوتىپ جاتقان World University Peace Service Corps الەمدىك سۇلۋلىق بايقاۋىنىڭ قورىتىندىسى بويىنشا، قىرعىز- سلاۆيان ۋنيۆەرسيتەتىنىڭ ستۋدەنتى تاجىك قىزى ناسيبا نايمحونوۆا جەتىنشى ورىندى يەلەندى.
باس جۇلدە پەرۋ وكىلىنە بۇيىرسا، ءبىرىنشى ورىندى قىتايلىق قىز يەلەندى. جەتىنشى ورىن ينتەرنەت داۋىس بەرۋشىلەردىڭ ارقاسىندا ناسيباعا بۇيىردى.
19 جاستاعى ناسيبا نايمحونوۆا بايقاۋدان كەيىن الدىنا جاڭا جوسپارلار قۇراتىنىن ايتادى. وقۋدى بىتىرگەن سوڭ، ديپلوماتيالىق وكىلدىكتەردە اۋدارماشى بولىپ جۇمىس ىستەگىسى كەلەدى ەكەن.
ء“بىز بەيبىتشىلىك جانە سابىرلىلىق جايىندا ايتتىق. بايقاۋ تارتىبىنە سايكەس، بۇۇ-نىڭ ارنايى باعدارلاماسى بويىنشا، ءتۇرلى كونفەرەنتسيالارعا قاتىسامىز، جەر بەتىندە بەيبىتشىلىك ورناتۋعا ءوزىمىزدىڭ ۇلەسىمىزدى قوسامىز ”، - دەيدى ناسيبا نايمحونوۆا.
ول تاۋلى-باداحشان اۆتونومدى وبلىسىنىڭ يشكاشيم ەلدىمەكەنىندە تۋىپ، دۋشانبەدە وسكەن. اگا حانا دامۋ قورىنىڭ كومەگىمەن قىرعىزستانعا وقۋعا تۇسەدى. قازىر بىشكەكتەگى قىرعىز-سلاۆيان ۋنيۆەرسيتەتىنىڭ اۋدارما فاكۋلتەتىنىڭ ءۇشىنشى كۋرسىندا وقيدى.
اباي-اقپارات
