يۋسۋفوۆ بيزنەسپەن اينالىسىپ، قىتايدان تاجىكستانعا تاۋار تاسىعان. بەس جىل بۇرىن ونى قىتايدىڭ ءۇرىمشى قالاسىندا ۇستاپ، ەسىرتكى تاسىمالى ءۇشىن ايىپ سالعان. كەيىن قىتاي سوتى وعان ءولىم جازاسىن كەستى.

باحودۋر يۋسۋفوۆتىڭ تۋعان باۋىرى تاجىك بيلىگىنەن كومەك سۇراعانىن ايتادى. 

«ونى بازارداعى ءبىر ايەل الداعان. ۇرىمشىدە ءبىر ايەل سومكەسىن ءبىر جەردەن، ەكىنشى جەرگە اپارىپ بەرۋىن سۇراعان. سول كەزدە پوليتسيا ونى تۇتقىنداعان. سومكەدە ەسىرتكى بولعان»، - دەيدى سوتتالۋشىنىڭ باۋىرى.

تاجىك بيلىگىنىڭ مالىمەتى بويىنشا، قازىرگى ۋاقىتتا تاجىكستاننىڭ 16 ازاماتى، 9 ەر ادام جانە 7 ايەل ادام قىتاي تۇرمەلەرىندا جازاسىن وتەپ جاتىر. وتكەن جىلدىڭ مامىر ايىندا تاجىكستاننىڭ باس پروكۋرورى يۋسۋف راحمون سوتتالعانداردىڭ تورتەۋىنە— ءۇش ايەل، ءبىر ەر ادام ءولىم جازاسى، بەسەۋىنە ومىرباقي تۇرمەدە وتىرۋ جازاسى بەرىلگەنىن ايتتى.

تاجىكستان مەن قىتاي اراسىندا سوتتالۋشىلاردى قايتارۋ جونىندەگى كەلىسىمگە 2014 جىلى دۋشانبەدە قول قويىلعان. وتكەن جىلدىڭ مامىر ايىندا زاڭ جۇزىندە بەكىتىلگەن. بىراق قۇجاتتى راتيفيكاتسياعانمەن قىتايدا سوتتالعان بىردە-ءبىر ازامات قايتارىلماعان.

اباي-اقپارات