قر پارلامەنتىندە ءۇش فراكتسيانىڭ دەپۋتاتتارى ءبىر اۋىزدان بەسىنشى شاقىرىلىمداعى ءماجىلىستى مەرزىمىنەن بۇرىن تاراتۋ جانە كەزەكتەن تىس پارلامەنت سايلاۋىن وتكىزۋ تۋرالى ۇسىنىس جاسادى. دەپۋتاتتاردىڭ بۇل ۇسىنىسىن مەملەكەت باسشىسى قوس پالاتا سپيكەرلەرىمەن بىرلەسىپ وتىرىپ تالقىلادى جانە مەملەكەت باسشىسى ماجىلىسمەندەردىڭ بۇل ۇسىنىسىن قابىلداپ، مەرزىمىنەن بۇرىن وتەتىن سايلاۋدى ناۋرىزعا بەلگىلەپ بەردى.

ال، ساياسي ساراپشىلار التىنشى شاقىرىلىمدا قر ماجىلىسىندە ۇلكەن وزگەرىستەر ورىن الۋى ىقتيمال دەگەن بولجامدار ايتادى. ەلىمىزدىڭ نەگىزگى زاڭ شىعارۋشى بيلىگى تۋرالى ايتقاندا ەسكەرە كەتەتىن تاعى ءبىر جايت بار. تاۋەلسىزدىك العان شيرەك عاسىردىڭ ىشىندە اتاجۇرتقا اياق باسىپ، وتانىمىزدىڭ وركەندەۋ جولىندا ءبىر كىسىدەي ەڭبەك ءسىڭىرىپ جۇرگەن ازاماتتاردىڭ ورنى ەرەكشە. ەلىمىزدىڭ بۇگىنگى ساياساتىنا، مادەنيەتى مەن ادەبيەتىنە، ەكونوميكاسى مەن الەۋمەتتىك تۇرمىسىنىڭ دامۋىنا ۇلەس قوسىپ، قوعامدىق بەلسەندىلىك تانىتىپ جۇرگەن كەشەگى قانداس، بۇگىنگى وتانداس باۋىرلاردىڭ اراسىنان ءماجىلىس سايلاۋىنا ۇمكىتكەر ۇسىنۋ – ءوز كەزەگىندە ماڭىزدى قادام بولارى انىق. بۇگىندە قازاقستان ازاماتى اتانىپ ۇلگەرگەن قانداستارىمىزدىڭ ەلىمىزدىڭ ساياسي وقيعالارىنا بەي-جاي قارامايتىنىن كوزىمىز كورىپ ءجۇر.

وسى رەتتە، «Abai.kz اقپاراتتىق پورتالىنىڭ رەداكتسياسىنا قازاقستاننىڭ وبلىس-وبلىستارىنان اعىلىپ كەلىپ جاتقان حاتتار دا از ەمەس.

وسىنداي مازمۇنداعى حاتتىڭ ءبىرى ءبىر سىپىراسىن جاريالاۋدى ءجون كوردىك.

قازاقستان رەسپۋبليكاسى

پرەزيدەنتى اكىمشىلىگىنىڭ باسشىسى

ن.ز.نىعماتۋلينگە.

قۇرمەتتى نۇرلان زايروللاۇلى!

قۇدايعا مىڭ شۇكىر، ەلباسىمىز نۇرسۇلتان نازارباەۆتىڭ ارقاسىندا ازات قازاقستاننىڭ توپىراعىن باسىپ، اۋاسىن جۇتۋعا مۇمكىندىك تۋدى بىزگە. ءبىز – شەتتەن كەلگەن قانداستارىڭىز بۇل جاقسىلىق پەن قامقورلىقتى ماڭگى ۇمىتپايمىز. جاس ۇرپاعىمىزدىڭ قۇلاعىنا قۇيىپ، زەردەسىنە توقىپ كەتەمىز.

كەشە عانا كوشى-قون زاڭىن پرەزيدەنتىمىز كەمەلدى ەتىپ قايتا قابىلداتتى. ەندى سونىڭ قىزىعىن دۇنيەنىڭ تۇكپىر-تۇكپىرىنە شاشىراپ كەتكەن قانداستارىڭىز كورە باستادى.

ءبىز بۇل ەلدەن بىردەمە الۋ ءۇشىن ەمەس، ۇرپاعىمىزدى اماناتتاپ، وسى ەلگە ء«بىر كەرپىش» ەتىپ قالاپ كەتۋ ءۇشىن كەلگەن جاندارمىز. «داعدارىس-داعدارىس» دەپ جاتىر عوي، ءبىز ونى سەزىپ جاتقامىز جوق. ءوز تابان ەت، ماڭداي تەرىمىزبەن وسىرگەن مالىمىزدىڭ ارقاسىندا جاپ-جاقسى كۇن كەشىرىپ جاتىرمىز. بالالارىمىز قازاق تىلىندە وقيدى. ەڭبەك ەتەم، اۋقاتتانام دەگەن ادامعا بۇل ەلدە مۇمكىندىك، وراي دەگەن جەتىپ ارتىلادى. ازات ەلىمىز امان بولسىن!

دەگەنمەن، ءبىزدىڭ دە ەل كوزىندە جۇرگەن وقىعان ازاماتتارىمىز بيلىكتىڭ بيىك تۇعىرىندا بولماسا دا، ورتا بەلىنە تامان ءىلىنىپ، وتانىمىزعا قىزمەت ەتسە دەيمىز. مىنە، مەرزىمىنەن بۇرىن ءماجىلىس سايلاۋى وتەتىن بولىپ جاتىر ەكەن. سول سايلاۋدا ءبىز ءبىر اۋىزدان ەلباسى پارتياسى «نۇر وتانعا» داۋىس بەرەمىز دەپ وتىرمىز.

سىزدەن جالعىز عانا ءوتىنىش: سول شەتتەن كەلگەن اعايىنداردان دا ءبىر-ەكى دەپۋتات بولسا ەكەن ماجىلىستە! ءبىزدىڭ ارىز-ارمانىمىز بەن اق تىلەگىمىزدى سىزدەرگە جەتكىزىپ وتىرار ەدى سول دەپۋتاتتار.

بارشا جۇمىسىڭىزعا ساتتىلىك تىلەيمىز! «تاۋەلسىزدىكتىڭ 25 جىلدىعى» مەرەكەسى قۇتتى بولسىن. ەلباسىمىزعا مىقتى دەنساۋلىق، ۇزاق عۇمىر تىلەيمىز!

گۇلىسحان دومالاي،

جۇمابەك مۇسا،

ءمولدىر ەركىنبەك

ءنازيپا سازانبەكوۆا

باستاعان

25 ادامنىڭ قويىلعان.

زەلەنوگراد اۋدانى،

اقمولا وبلىسى.

قۇرمەتتى اسقار يسابەكۇلى!

ۇرانى «بىرلىگى مىقتى ەل وزادى» دەپ اتالاتىن، قۇرامىندا مىڭداعان مۇشەلەرى مەن تىلەۋلەستەرى بار «ۇلى دالا قىراندارى» رەسپۋبليكالىق قوعامدىق مادەني-الەۋمەتتىك قوزعالىسى الداعى بولاتىن سايلاۋدا شەت ەلدەردەن كوشىپ كەلگەن قانداستارىمىزدىڭ 1-2-كەۋىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا سايلاۋلارىڭىزدى سۇرايمىن. ويتكەنى، بۇل كۇندە «ۇلى كوش» ۇلتىمىزدىڭ ۇلكەن ولجاسى، بەرەكەسى، مارتەبەسى بولىپ وتىر. شەت ەلدەن كەلگەن التىن باۋىرلارىمىز قازاقتىڭ ءتىلىن، ءدىلىن، ءدىنىن جانە ۇلى دالا ەلىنىڭ ۇلتتىق سالت-داستۇرلەرىن دامىتىپ وركەندەتۋدە ەرەكشە ۇلەس قوسىپ كەلەدى. سوندىقتان، الداعى سايلاناتىن پارلامەنتتە شەت ەلدەن اتا قونىستارىنا كەلگەن باۋىرلاردىڭ بولۋى وتە دۇرىس دەپ سانايمىز.

سءادءىبەك تءۇگەل

«ۇلى دالا قىراندارى» قوعامدىق

مادەني-الەۋمەتتىك قوزعالىسى»

رەسپۋبليكالىق قوعامدىق

بىرلەستىگىنىڭ تەڭ توراعاسى

Abai.kz