قازىر ەكىنىڭ ءبىرى عالامتوردا وتىرىپ، جاعا ۇستاتار جاڭالىقتاردى وقىپ، ازعىندىققا تولى ۆيدەولاردى كورۋدە. جامان دۇنيەنىڭ تەز تارالاتىنى بەلگىلى عوي.  «ناتيجەسىندە»  قازاقى تاربيەنىڭ قۇلدىراپ، جاس ۇرپاق تەرىس تاربيەگە تەز ۇيرەنۋدە. جاڭا تۋعان بالا انانىڭ ءالديىن ەستىمەسە، بالاباقشاعا بارعان ءبۇلدىرشىن قازاقى ەرتەگى تىڭداماسا، مەكتەپكە بارعان وقۋشى سالت-ءداستۇر مەن ادەت-عۇرىپقا سۋسىنداماسا، تاربيەلى جاستار قايدان شىعادى؟

سانامىزدا مىناداي تۇسىنىك قالىپتاسىپ كەتكەن: «قالانىڭ بالاسى ورىسشا سويلەپ، اراسىندا «اتا-اجە» دەپ تۇرسا بولدى» دەگەن. جوق، ولار قانشا جەردەن قازاقىلىقتان اتتاپ كەتسە دە، ءبارىبىر بويىندا قازاقتىڭ قانى بار ەكەندىگى كورىنىپ تۇرادى ەكەن. تەك زاماناۋي دۇنيەلەرمەن ولاردى قىزىقتىرا ءبىلۋ كەرەك سياقتى. جۋىردا ءبىر توپ ستۋدەنت جاستار كىلەڭ قالا بالارىنان قۇرالعان  بالاباقشا توبىنا  اۋەندى كيىز ءۇي تارتۋ ەتىپ، سابيلەردىڭ قىزىعۋشىلىعىن بايقاپ كورمەك بولدىق. قازاقتىڭ 500 اسىل ءسوزى مەن ءان كۇيى جازىلعان بۇل «كيىز ءۇيدىڭ» بەرەرى كوپ ەكەندىگى كوپ كەشىكپەي بەلگىلى بولدى.

ءبىر ايدان سوڭ باسقا ۇلت وكىلدەرىنىڭ سابيلەرىنىڭ قازاقشا ءان ايتىپ، سويلەي باستاعانىنىڭ كۋاسى بولدىق.بۇل قالتاسى جۇقا ستۋدەنتتەردىڭ كىشكەنتاي عانا ارەكەتىنەن بولعان جايت. ال، ەگەردە ەلىمىزدەگى قالتالى ازاماتتار ءار بالاباقشا مەن باستاۋىش سىنىپتارعا وسىنداي سىيلار جاساسا، مىڭداعان ءسابيدىڭ ۇلتتىق ءداستۇرىمىز بەن انا تىلىمىزدە تاربيە الۋىنا كەرەمەت جاعداي تۋار ەدى عوي.

 ...سىزدەرگە قالاي ەكەنىن بىلمەيمىن، ماعان اتا-انا بەرە الماي وتىرعان تاربيەنى وسى ءبىر جۇدىرىقتاي عانا «كيىز ءۇي» بەرگەندەي كورىندى. 

نازەركە شاراپاددين

Abai.kz