اگەنتتىكتىڭ حابارلاۋىنشا، تاعى 340 ميلليارد رۋبل ۇلتتىق ۆاليۋتا باعامىنىڭ كۇرت قۇلدىراۋى مەن قاتارداعى رەسەيلىكتەردىڭ ەكونوميكالىق جاعدايىنىڭ ناشارلاۋىنا بايلانىستى تۋىنداۋى ىقتيمال قوعامدىق نارازىلىقپەن كۇرەسۋگە جۇمساۋ كوزدەلگەن.

رەسەيدەگى جاعدايعا مۇناي باعاسىنىڭ ارزانداۋى، ۋكرايناداعى داعدارىس ءۇشىن باتىس ەلدەرىنىڭ ماسكەۋگە قارسى سالعان سانكتسيالارى جانە رۋبل باعامىنىڭ قۇلاۋى اسەر ەتۋدە. وتكەن اپتادا 1 اقش دولللارى 84 رۋبلگە كوتەرىلىپ، سوڭعىسى تاعى انتيرەكورد ورناتقان ەدى. بىراق قاڭتاردىڭ 22-دە ۆاليۋتالىق باعام ءبىر دوللارعا 78 رۋبلگە دەيىن تومەندەدى.

Reuters ازىرگە اياقتالماعان داعدارىسقا قارسى جوسپار تۋرالى ايتقان ۇكىمەتتەگى ەكى بىردەي دەرەككوزدىڭ سوزدەرىن دايەك ەتەدى. قولداعى دەرەك بويىنشا، قارجىنىڭ ءبىر بولىگى ونەركاسىپ جانە قۇرىلىس سالالارىنا جۇمسالادى.ونىڭ ىشىندە، اۆتوكولىك جاساۋشىلارعا 50 ميلليارد رۋبل بەرۋگە ۋادە ەتىلگەن.