سايلاۋ كۇنى بەلگىلى بولدى. ەندى ناۋرىزدىڭ 20-نا دەيىن ساياسات قازانى بۇرق-سارق قاينايتىن بولادى. سول قازانعا ەڭ الدىمەن «مايلى جىلىكتەر» (قازاق زيالىلارى) سالىنىپ، ەل سولاردىڭ كومەيىنىڭ بۇلكىلەنە ەلىتەتىن بولادى. ءتاتتى ءتۇس كورىپ جاتقانداي كۇي كەشەمىز. مىنە، قىزىق...

 ايۋ سەكىلدى التى ايلىق ۇيقىسىنان ويانعان پارتيالار ءوز ساپتارىنا ەل الدىندا بەدەلى بار ازاماتتاردى قوسىپ الىپ، داۋىس جيناماققا بىلەك سىبانا كىرىسەدى. جازۋشى مەن اقىندار، ءبىر سوزبەن ايتقاندا قازاقتىڭ بار قايماعى ەموتسياعا بەرىلىپ، بۇگىن بار، ەرتەڭ جوق ساياسي پارتيالاردىڭ تۋۇستارىنا اينالىپ، انە-مىنە دەپۋتات بولىپ كەتەتىندەي جەلىگەدى. بۇل ستسەناريدى مىڭ رەت كورسەك تە، زيالىلارىمىز الدانۋدان جالىعار ەمەس. حالىق تا «سەنبەي قويايىنشى» دەمەيدى.

باسقا سايلاۋلار سانادان وشە باستادى عوي. وتكەن سايلاۋدان عانا مىسال كەلتىرەيىك. ەسىڭىزدە مە، وتكەن سايلاۋدا ازات پەرۋاشەۆتىڭ «اقجولى» يسرايىل ساپارباي، امانگەلدى ايتالى، قازىبەك يسا سەكىلدى ونشاقتى تۇلعانى بەتكە ۇستاپ، قازاقتىڭ داۋسىن «قىرىپ» الدى. بىراق، دەپۋتات ورىنتاعىنا سول وننىڭ ءبىرى دە وتىرعان جوق. ايتالىلاردىڭ ايعايى ارقىلى ەل جۇرت سويى تۇرماق، ءجۇزىن كورمەگەن بيزنەسمەندەر دەپۋتات بولىپ شىعا كەلدى. بۇل سايلاۋدا دا سويتپەي مە؟ زيالىلار تاعى دا الدانىپ قالماي ما؟

ءوزى الدانسا الدانسىن، بىراق حالىقتى اداستىرۋعا بولمايدى... ءسىز نە دەيسىز؟

ءشارىپحان قايسار

Abai.kz