قىتايدا حالىقارالىق سۇلۋلىق بايقاۋىنداعى جانجالعا ۋفالىق بويجەتكەننىڭ ارەكەتى سەبەپ بولعان دەپ جازادى قازاقپارات.

وندا ۋفا قالاسىنىڭ ستۋدەنتى رەسەيدىڭ ورنىنا قازاقستاننىڭ نامىسىن قورعاۋدا، دەپ حابارلايدى باشقۇرت سپۋتنيكتىك تەلەارناسى.

وعان ونداعان، ءتىپتى جۇزدەگەن جەرلەسى جانكۇيەرلىك ەتكەن. ءبىر اپتادان كەيىن بايقاۋدان سۋرەتتەر جۇكتەلە باستايدى. سۋرەتتەن بايقالعانداي: مودەل رەسەيدى ەمەس، قازاقستاننىڭ اتىنان شىققالى جاتىر. جاڭالىقتى وتانداستارى سۋىق قابىلدادى. ونىڭ ءار سۋرەتىنىڭ استىنا ءتۇرلى جاعىمسىز پىكىرلەر جازىلىپ جاتىر.

اسپاناستى ەلىندە ونەر كورسەتۋى ءتيىس ەكىنشى مودەل ەۆا چاشينسكايا وعان وزبەكستان اتىنان شىعۋدى ۇسىنعانىن الەۋمەتتىك جەلىگە جازعان، الايدا ول بايقاۋعا قاتىسۋدان باس تارتىپتى.

باشقۇرتستاننىڭ ازاماتىنا نەگە باسقا ەلدىڭ اتىنان شىعۋدى ۇسىندى؟ جانە ۋفا ونەر اكادەمياسىنىڭ ستۋدەنتى بۇعان قالايشا كەلىسىپ ءجۇر؟ بۇل سقراققا مودەل اگەنتتىكتەرى بىلاي جاۋاپ بەرەدى: حالىقارالىق بايقاۋلاردا مۇنداي جاعدايلار كوپ بولادى. كەيدە قاتىسۋشىلارعا مۇنى ەڭ سوڭىندا ايتادى.

«ميسس باشقۇرتستان» مودەل اگەنتتىگىنىڭ جەتەكشىسى لۋيزا زاكيريانوۆا: «رەسەيلىكتەرگە كۆوتا جابىلعان، جانە رەسەيدەن قاتىساتىن ءبىر قىز بار دەدى. باسقا ەلدەردىڭ اتىنان شىعۋعا مۇمكىندىك بولدى. ناستيانى باشقۇرتستاننىڭ اتىنان شىقسىن دەپ ءوتىندىم. ولار كەلىستى. ءبىز باشقۇرتستاننىڭ اتىنان شىعامىز دەپ دايىندالىپ بارعانبىز، ۇلتتىق كوستيۋم تىكتىك، ءتىپتى تۋدى دا الىپ الدىق. ال كەلگەن كەزدە بىزگە قازقستاننىڭ اتىنان شىعاسىڭدار دەدى» — دەپ جاۋاپ بەردى.

قازىر قىز ءالى دە قىتايدا جانە الەۋمەتتىك جەلىلەرگە سۋرەتتەرىن شىعارىپ جاتىر. كەيبىر سۋرەتتەردە قازاقستاننىڭ اتىن قولىمەن جاۋىپ تۇرعانى بايقالادى. دەگەنمەن، باشقۇرتستاننىڭ تۋىمەن تۇسكەن سۋرەتتەرى دە بار. قىز بۇل ءىس-ارەكەتىنە بايقاۋدان كەلگەن سوڭ عانا جاۋاپ بەرە الادى. بايقاۋدىڭ فينالى 27 قاڭتاردا.

دەرەككوزى: baistars.kz