—تۇرىك تارابى بىزگە ولاردىڭ ەسىمدەرىن بەردى. ءبىراز ۋاقىتتان سوڭ ولاردىڭ اتى-ءجونىن جاريالايمىز دەپ ويلايمىن، — دەدى زاحاروۆا.

رەسمي وكىل ولاردىڭ ىزدەۋدە بولعانىنا قاتىستى، تەك ءبىر ادام تۋرالى سونداي مالىمەت بار ەكەنىن، ەكى ادام بويىنشا ونداي دەرەكتىڭ ازىرگە جوقتىعىن ايتتى. زاحاروۆا ستامبۋلداعى جارىلىستان كەيىن ۇستالعان ازاماتتاردىڭ رەسەيلىك رەسمي وكىلدەرمەن ارىپتەستىككە بارۋدان باس تارتقانىن ەسكە سالدى. ونىڭ ويىنشا، بۇعان انتاليادا ۇستالعان رەسەيلىكتەردىڭ اراسىندا تاتارستاندا «يسلام مەملەكەتى» تەررورلىق ۇيىمىمەن بايلانىسى اشكەرەلەنگەن ايدار سۋلەيمانوۆتىڭ بولعانى اسەر ەتكەن.

زاحاروۆانىڭ سوزىنشە، 2015 جىلى تامىزدىڭ  10-دا تاتارستاننىڭ ىشكى ىستەر مينيسترلىگى «يسلام مەملەكەتى» تەررورلىق ۇيىمىنىڭ  قىزمەتىنە ارالاسقانى جانە وسى ۇيىم قاتارىنا ادام تارتۋمەن اينالىسقانى ءۇشىن بۇل ادامعا سىرتتاي ايىپ تاققان. 2015 جىلدىڭ قاراشاسىندا سۋلەيمانوۆقا ينتەرپول بويىنشا حالىقارالىق ىزدەۋ جاريالانعان.

اباي-اقپارات