قاڭتاردىڭ 13-دە باستالعان سوت وتىرىسىنىڭ بارىسىندا  مەملەكەتتىك ايىپتاۋشى You tube بەينەحوستينگىندە جاريالانعان ءبىلالوۆتىڭ سۇحباتىندا «الاۋىزدىق تۋعىزۋدىڭ» بايقالاتىنىن مالىمدەدى.

بولاتبەك ءبىلالوۆ پروكۋروردىڭ ايىپتاۋىمەن كەلسىپەي، وزىنە قارسى ءىستى «قىلمىستىق ەمەس، ساياسي ءىس» دەپ باعالايتىنىن ايتتى. ول وسىنداي ايىپتاۋلاردى ءوزىن باس بوستاندىعىنان ايىرۋ مەن ازاماتتىق بەلسەندى ءارى قۇقىق قورعاۋشى رەتىندەگى بەدەلىنە نۇقسان كەلتىرۋدىڭ جولى دەپ ەسەپتەيدى.

بولاتبەك ءبىلالوۆ 2015 جىلى قاراشا ايىندا ۇستالدى. وعان «الەۋمەتتىك جانە ۇلتارالىق الاۋىزدىق تۋعىزدى» دەگەن ايىپ تاعىلعان. تەرگەۋشىلەر ول مۇنداي قىلمىستى باق-تى پايدالانا وتىرىپ، جاريا تۇردە جاسادى دەپ سانايدى.

بولاتبەك ءبىلالوۆ  سونىمەن بىرگە، ۇيلەرى سۇرىلگەندە بەرىلگەن وتەماقى كولەمىمەن كەلىسپەگەن استانا قالاسىنىڭ تۇرعىندارىنىڭ مۇددەسىن سوتتاردا قورعاعانىمەن جانە وزگە دە باسپانا ماسەلەلەرى شەشىلمەگەن ازاماتتارعا كومەكتەسكەنىمەن تانىمال. ول قازاقستانداعى بايقوڭىر عارىش ايلاعىنان گەپتيلدى وتىن رەتىندە پايدالاناتىن رەسەيلىك زىمىرانداردىڭ ۇشۋىنا قارسى «انتيگەپتيل» توبىنىڭ بەلسەندى مۇشەسى.

اباي-اقپارات