بۇل جونىندە اقش مەملەكەتتىك حاتشىسى كومەكشىسىنىڭ قارۋلانۋدى باقىلاۋ جونىندەگى ورىنباسارى فرەنك روۋز مالىمدەدى. ناتو-نىڭ بريۋسسەلدەگى شتاب-پاتەرىندە جۋرناليستەرمەن كەزدەسۋىندە فرەنك روۋز: ء«بىز جۇيەلەرىمىزدى شەكتەۋ تۋرالى تالاپتارمەن كەلىسپەيمىز، ويتكەنى قارقىنى ۇدەي تۇسكەن قاۋىپكە تەز توتەپ بەرەتىن مۇمكىندىككە يە بولۋىمىز كەرەك»، - دەدى.

سولتۇستىك كورەيانىڭ سۋتەگى بومباسىن سىناقتان وتكىزۋى، كحدر-دىڭ جاپونيا مەن قۇراما شتاتتارعا وسى جولمەن سوققى جاساۋ قابىلەتىن ارتتىراتىن قادام، سوندىقتان ۆاشينگتون رەسەي قارسى بولعان قورعانىس جۇيەسىن قۇرۋعا بەل بايلاعانىن ءبىلدىرىپ وتىر.

"سولتۇستىك كورەيانىڭ قولىندا كوپتەگەن بالليستيكالىق زىمىران بار جانە ولار ونى ءجيى سىناقتان وتكىزەدى» دەگەن روۋز كحدر زىمىراندارى وڭتۇستىك كورەيا مەن جاپونيا اۋماعىنا دەيىن جەتەتىنىن، ال بولاشاقتا اقش جەرىنە دە ۇشىپ كەلۋى مۇمكىن ەكەنىن اتاپ ءوتتى. ناتو باس حاتشىسى يەنس ستولتەنبەرگ وتكەن اپتادا سولتۇستىك كورەيانى يادرولىق جانە زىمىران باعدارلامالارىن توقتاتۋعا شاقىردى.

رەسەي بىلتىر دانيا ناتو-نىڭ قورعانىس جۇيەسىنە قوسىلعان جاعدايدا، يادرولىق زقىمىراندارىن دات اسكەري كەمەلەرىنە قاراي باعىتتايتىنىن ايتىپ سەس كورسەتتى. «رەسەي تارابى، شەكتەۋدى مىندەتتەيتىن زاڭدى تۇرعىداعى تالاپتىڭ جوقتىعىنان، ءبىز ولاردىڭ جاۋدى ۇستاپ تۇرۋعا ارنالعان ستراتەگيالىق كۇشتەرىنىڭ ارەكەتىن ەش قىلاتىن الەۋەتكە يە بولا ما دەپ قاۋىپتەنەدى» - دەدى روۋز.

ناتو-نىڭ زقق جۇيەسىنىڭ باسىم بولىگىن اقش قامتاماسىز ەتسە دە، 2012 جىلى اسكەري وداق ەۋروپاداعى مۇمكىندىكتەرىن دامىتۋعا كەلىسكەن بولاتىن. رۋمىنيا زكك جۇيەسىنىڭ كەي بولىكتەرىن ءوز اۋماعىندا ورنالاستىرۋعا رۇقسات ەتتى، تۇركيادا زكك جۇيەسىنىڭ رادارى قويىلعان.قۇراما شتتاتتار قىركۇيەك ايىندا زىمىرانعا قارسى قالقان ەسەبىندەگى 4 كەمەسىنىڭ ءبىرىن يسپانيا جاعالاۋىنا جونەلتتى. پولشا دا 2018 جىلدان باستاپ قورعانىس جۇيەسىن ورناتا باستايدى.

اباي-اقپارات