ينتەرنەتتە «تاۋحيد ءال-جيحادتىڭ» التى جەنكەشتىسىنىڭ بومبا قويىلعان بتر-دەگى بەينە تاسپالارى جاريالاندى.

وندا ولار وزبەك تىلىندە «اللانى ريزا ەتۋ ءۇشىن» كەتىپ بارا جاتقاندارىن ايتادى.

بۇل بەينە تاسپادا سودىرلاردىڭ اتتارى اتالمايدى. سونىمەن بىرگە بۇل ازاماتتاردىڭ نە وزبەكستان نە قىرعىزستان ازاماتتارى ەكەنى بەلگىسىز.

ال بۇل ۋاقىتتا قىرعىزستاننىڭ كۇشتىك قۇرىلىمدارى ەلىنىڭ وڭتۇستىگىندە «تاۋحيد ءال-جيحاد» ەكسترەميستىك ۇيىمىنىڭ ون ادامى ۇستالعانى جونىندە رەسمي حابار تاراتتى.

كەيبىر دەرەكتەر بويىنشا، «تاۋحيد ءال-جيحاد» 2014 جىلدان بەرى پرەزيدەنت باشار اساد اسكەرىنە قارسى كۇرەسىپ كەلە جاتقان سيرياداعى وزبەكتەردەن قۇرالعان ارنايى سودىرلار توبى.

ينتەرنەتتە وزدەرىنىڭ ارنايى لوگوتيپىمەن پاراقشا اشقان اتالعان توپ وزبەك ۇلتىنىڭ وكىلدەرىن وزدەرىنىڭ قاتارلارىنا قوسۋعا بەلسەندى جۇمىس جاساپ كەلەدى. ​ونىڭ ليدەرى ءابۋ سالاح الەۋمەتتىك جەلىدە سۋرەتىن ءجيى جاريالايدى.

The Long War Journal ەكسپەرتى كاليب ۆەيس اتالعان توپ ساراپشىلاردىڭ نازارىنا 2014 جىلدىڭ 28 جەلتوقسانىندا YouTube-قا ءبىرىنشى ۆيدەوسىن جاريالاعان سوڭ ىلىككەن. كاليب ۆەيستىڭ جازۋىنشا، باسىندا «جابحات-ءان-نۋسرا» توبىندا سوعىسقان وزبەكتەر كەيىن ءابۋ سالاحتىڭ باسشىلىعىمەن وزدەرىنىڭ «تاۋحيد ءال-جيحاد» ۇيىمىن قۇرعان.

اباي-اقپارات