دۇيسەنبى كۇنى ۇلتتىق قاۋىپسىزدىك جونىندەگى رەسەيدىڭ جاڭا ستراتەگياسىنا قاتىستى سۇراقتارعا جاۋاپ بەرگەن گەنەرال دانفورد ماسكەۋدىڭ پوزيتسياسى رەسەي تاراپىنان تونەتىن قاۋىپ جونىندەگى كوزقاراسىن وزگەرتپەيتىنىن ايتتى.

الدىن ناتو-نىڭ كەڭەيۋى مەن نىعايۋىن ماسكەۋ بۇل رەسەيگە جاسالعان قاۋىپ دەپ باعا بەرگەن بولاتىن.

گەنەرالدىڭ سوزىنشە، ول ماسكەۋدىڭ ارەكەتىنە بايلانىستى ءوزىنىڭ بايلامىن جاساپ وتىر. رەسەيدىڭ ۋكرايناعا، قىرىمعا جانە گرۋزياعا جاساعان ارەكەتتەرىنە قاراپ، ۆاشينگتون ماسكەۋدىڭ اسكەري مۇمكىندىگىنە بايىپپەن قارايدى دەپ مالىمدەدى دجوزەف دانفورد.

اقش-تىڭ شتاب باسشىلارى بىرىككەن كوميتەتىنىڭ توراعاسى قازان ايىنان بەرى قىزمەتكە كىرىسكەلى بەرى رەسەيدىڭ قارۋلى كۇشتەرى باس شتابىنىڭ باسشىسى ۆالەري گەراسيموۆپەن ەكى رەت سويلەسكەنىن جانە رەسەيلىك ارىپتەسىمەن تۇراقتى بايلانىستا بولۋ جوسپارىندا بار ەكەنىن ايتتى. 

اباي-اقپارات