اۋعانستاندا ءۇندى كونسۋلدىعىنا شابۋىل جاسالدى
اۋعانستاننىڭ مازار-ي-شاريف قالاسىندا ءۇندىستان كونسۋلدىعى عيماراتى جانىندا سودىرلار مەن قاۋىپسىزدىك قىزمەتكەرلەرى اراسىندا شايقاس جالعاسىپ جاتىر. بۇعان دەيىن ول جەردە ەكى جارىلىس بولعانى تۋرالى اقپارات تاراعان.
ديپلوماتيالىق وكىلدىككە شابۋىل قاڭتاردىڭ 3-ءى كۇنى، قاس قارايا باستالعان. بالح ءۋالاياتى بيلىگى وكىلىنىڭ ايتۋىنشا، شابۋىلدىڭ بەتى قايتارىلعان، بىراق بىرنەشە سودىر كورشى عيماراتقا بەكىنىپ الىپ، قارۋلى قارسىلىق كورسەتكەن. وقيعا بارىسىندا كەمىندە ءبىر بەيبىت تۇرعىن جارالانعان. قازا تاپقاندار مەن جارالىلار تۋرالى ازىرشە ناقتى مالىمەت جوق.
اۋعانستانداعى ءۇندىستان ەلشىسى امار سينحا Twitter الەۋمەتتىك جەلىسىندەگى پاراقشاسىندا «كونسۋلدىق قىزمەتكەرلەرى قاۋىپسىز جەردە» دەپ حابارلاعان.
اباي-اقپارات
