سەگىز ەركەك پەن ءتورت ايەل حاكەرلىك مۇمكىندىكتەرىن جەلتوقساننىڭ 31-دە بريتاندىق بي-بي-سي مەديا كورپوراتسياسىنىڭ سايتتارىن «بۇزۋ» ارقىلى سىناپ كورگەن.

حاكەرلىك شابۋىلدى New World Hacking ("جاڭا الەم حاكەرلەرى") حاكەرلەر توبى موينىنا العان.

بي-بي-ءسيدىڭ حابارلاۋىنشا، توپ كوپتەگەن ەلدە تىيىم سالىنعان «يسلام مەملەكەتى» ۇيىمىنا قاتىستى ينتەرنەتتەگى بەلسەندىلىكتى باقىلاۋمەن اينالىسادى. حاكەرلەر جەلىنى جىكشىلدەرمەن ىمىرالاس بولۋى مۇمكىن سايتتاردان تازارتۋدى كوزدەيدى-ءمىس. حاكەرلەر وكىلىنىڭ ايتۋىنشا، 12 ادامنان تۇراتىن توپ 2012 جىلدان بەرى ارەكەت ەتۋدە.

 بي-بي-سي ء باسپاسوز قىزمەتى كومپانيا سايتتارىنىڭ جۇمىسىنداعى اقاۋعا حاكەرلەردىڭ جانە وزگە دە بىرەۋلەردىڭ قاتىسى بارلىعى تۋرالى مالىمدەمەلەرگە تۇسىنىكتەمە بەرمەيتىنىن جەتكىزدى. جاڭا جىلدىڭ الدىندا قولدانۋشىلار بىرنەشە ساعاتقا بي-بي-سي سايتتارى مەن iPlayer قىزمەتىنە كىرە الماي قالعان بولاتىن.

Abai.kz