ءداستۇر بويىنشا تەلەارنالار قىركۇيەك ايىنان باستاپ كورەرمەن اۋديتورياسىنا جاڭا باعدارلامالار ۇسىنىپ جاتادى. الايدا، جۇرت كۇنتىزبەلىك رەسمي جاڭا جىلدان كەيىن دە تەلەكورسەتىلىمدەر شەرۋىنەن جاڭالىق كۇتەتىنى بار. وسىنى ەسكەرىپ ءبىز «قازاقستان»، «حابار»، «31 ارنا»، «كتك»، «استانا» ارنالارىن شولىپ شىقتىق. الايدا، پالەندەي جاڭالىققا كوزىمىز سۇرىنە قويمادى.

قاي ارنادا بولماسىن جاڭا ماۋسىمنان، ياعني 2015 جىلدىڭ قىركۇيەك ايىنان باستالعان باعدارلامالار مەن تەلەحيكايالار جالعاسىن تاۋىپ جاتقانعا ۇقسايدى. ول ءۇشىن اتالعان ارنالاردىڭ ۆەبسايتتارىن شولىپ شىقساڭىز دا جەتەتىن سياقتى. الايدا، قازاقستاندىق ارنالارداعى تەلەسەريالاردىڭ قاتارى تاعى ءبىر ءۇندى فيلمىمەن تولىقپاق.  قاڭتاردىڭ 4-نەن باستاپ «31 ارنادا» «كيەلى نەكە» اتتى ءۇندى تەلەحيكاياسى كورەرمەنگە جول تارتادى. تەلەحيكايا تۋرالى اتالعان ارنادا مىنانداي شاعىن اڭداتپا تۇر:  «ماحاببات ەكى ادامنىڭ اراسىنداعى سەزىمنەن تۋادى. الايدا، ءۇشىنشى بىرەۋگە جۇرەكتەن ورىن جوق ەكەنى بەلگىلى. بىراق، سۇيگەن عاشىعى ءۇشىن كۇرەسۋ كوپتىڭ قولىنان كەلمەيدى. بۇل ءۇندى حيكاياسىندا ءۇش جاننىڭ وزگەلەرگە ۇقسامايتىن تاعدىرى سۋرەتتەلەدى».

ءوز قارجىسىنا "اداسقاندار" تاريحي كومەدياسىن، جاستارعا ارنالعان "اي تي مولودەتس", "نارحوز 2" سەريالدارى مەن "بريگادا"  حيكايالارىن ءتۇسىرىپ، كوش باستاعان «31 ارنا» 2015 جىلدى جالپى تابىستى قورتىندىلادى. ارنانىڭ «ينفورمبيۋرو» جاڭالىقتار قىزمەتى الدىڭعى ورىنعا شىقتى. ايتسە دە، ء«بىز قازاقتىلدى اۋديتوريانىڭ مۇددەسى ءۇشىن جۇمىس ىستەيمىز» دەپ جۇرگەن ارنا باسشىسى باعدات قوجاحمەتوۆ قازاقتىلدى كورەرمەندى «كيەلى نەكەنىڭ» قىزىعىنا كەنەلتپەك.

ەلىمىزدەگى تەلەارنالاردىڭ توپ-مەنەدجەرلەرى قارجى شىعىنداپ، تەلەحيكايالار تۇسىرگەننەن گورى دايىن ءۇندى، كورەي، ۆەتنام، فيليپپين، ت.ب. سەريالدارىن ساتىپ العان الدەقايدا ءتيىمدى دەپ ەسەپتەيدى. سولاي دەگەنمەندە، وتاندىق ارنالار كورەرمەنگە ءوز ورتامىزدىڭ، ءوز قوعامىمىزدىڭ ءومىرىن تەلەحيكايالار تىلىندە سويلەتۋگە تالپىنىس جاساپ جاتىر. باستاپقى ناتيجە جامان ەمەس. ءتىپتى، جاقسى دەپ تە ايتۋعا  بولادى. ونى ءبىز «قازاستان» ۇلتتىق ارناسىنداعى تەلەسەريالدار تىزبەگىنەن بايقايمىز. تۇتىنۋشى ەمەس، ءوندىرۋشى تەلەارناعا اينالىپ كەلە جاتقان «قازاقستان»  ارناسى كورەرمەن قاۋىمدى تاعى دا جاڭا سەريالدار توپتاماسىمەن قۋانتپاق. 9 قاڭتاردان باستاپ «قازاقستان» ارناسى ء«ومىردىڭ ءوزى نوۆەللا» اتتى كوپسەريالى تەلەحيكايا ۇسىنادى دەپ حابارلايدى «قازاقستان» رترك» اق ءباسپاسوز-قىزمەتى.

ء«ومىردىڭ ءوزى نوۆەللا» - بۇل ليريكالىق، درامالىق جانە ومىردەگى تەرەڭ ويلاندىراتىن وقيعالاردان قۇرالعان. سەريالدىڭ ونەگەلى تاربيەلىك ءمانى بار. كورەرمەندەر الدىندا جارقىن ءارى اسەرلى وقيعالارعا تولى قوعام ومىرىنەن الىنعان جەكەلەنگەن ءومىر پاراقشالارى اشىلادى. ءاربىر سەريا ادامزات ومىرىندە كەزدەسەتىن اتا-انانى سىيلاۋ، دوستىق، ادالدىق، ساتقىندىق، راقىمشىلىق، داستۇرگە قۇرمەت سەكىلدى وزەكتى ماسەلەلەردى قوزعايدى.

كينونوۆەللا توپتاماسى وزدىگىنشە 24 بولەك فيلمەردەن قۇراستىرىلعان، ونىڭ اربىرەۋى قاي جاعىنان نە كۇتىپ تۇرعانىن بىلمەيتىن شىتىرمان وقيعالاردان تۇرادى. وقيعالار جەلىسى ءبىر بىرىمەن تىكەلەي بايلانىسپاعانىمەن ء اربىر ەپيزود بىرەگەي ءستيلدى ۇستانعان. فيلمدە كەيىپكەلەردىڭ ءارتۇرلى مىنەز-قىلىقتارى ارالاسقان وقيعالارعا تولى. سەريالدىڭ ايرىقشا ەرەكشەلىگى سول، ء«ومىردىڭ ءوزى نوۆەللا» تەلەحيكاياسى –  ۇزاققا سوزىلاتىن قىزىقسىز سيۋجەتتەردەن قۇراستىرىلماعان.

سەريال وتباسىلىق بولىپ تابىلادى جانە بارلىق جاستاعى كورەرمەندەردى قىزىقتىرادى دەگەن ويدامىز. «قازاقستان» ارناسىندا سەريالدىڭ كورسەتىلىمى 9 قاڭتاردان باستالادى دەيدى «قازاقستان» رترك» اق ءباسپاسوز-قىزمەتى.

Abai.kz