ABC News مولداۆالىق پوليتسەيلەردىڭ سوزىنە سۇيەنە وتىرىپ، كيشينەۆتەگى ەلشىلىكتەن يتاليان ەلشىسىنە تيەسىلى Alfa Romeo كولىگى ۇرلانعانىن حابارلادى.

كيشينەۆ پوليتسياسىنىڭ ءباسپاسوز حاتشىسى ناتاليا ستاتي باقىلاۋ كامەرالارى ەلشى ەنريكو نۋنتسياتانىڭ رەزيدەنتسياسىنا سەيسەنبى كۇنى تاڭەرتەڭ كىرگەن ادامدى ءتۇسىرىپ العان. ول ەسىكتىڭ تەرەزەسىن سىندىرىپ شىعىپ كەتكەن.

ستاتي توناۋ كەزىندە ۇيدە ەشكىمنىڭ بولماعانىن، ەلشىنىڭ رەزيدەنتسياسىندا كۇزەت قويىلماعانىن حابارلادى.

ءباسپاسوز حاتشىسىنىڭ مالىمدەۋىنشە، ادەتتە رەزيدەنتسيالارعا كۇزەت قويىلادى. عيماراتتى كۇزەتۋگە جاۋاپتى تۇلعالار ازىرگە قانداي دا ءبىر تۇسىنىكتەمە بەرمەي وتىر. بۇل قىلمىسى ءۇشىن قىلمىسكەر 12 جىلعا دەيىن تۇرمەگە جابىلۋى مۇمكىن.

Abai.kz