وزبەكستانداعى جەرگىلىكتى باق قارجىنىڭ جەتىسپەۋشىلىگىنەن تاشكەنت وبلىسى زەڭگى اتا اۋدانىنداعى تۇرمە قۇرىلىسى توقتادى دەپ حابارلايدى.

ول حالىقارالىق تالاپتارعا سايكەس بولاتىن، تمد-داعى ءىرى تۇرمە بولادى دەپ كۇتىلگەن.

الايدا شىلدە ايىندا بۇۇ-نىڭ ادام قۇقىقتارى جونىندەگى جيىنىندا وزبەكستان وكىلدەرى حالىقارالىق تالاپتارعا سايكەس كەلەتىن تەرگەۋ اباقتىسى سالىنىپ جاتىر دەپ جاريالاعان بولاتىن.

وزودليك راديوسى وزبەك قىزمەتىنىڭ تاشكەنت وبلىسىنداعى تۇرمەلەردىڭ بىرىندە جۇمىس ىستەيتىن اقپارات كوزى جاڭا تۇرمەگە №18 كولونيانى كوشىرمەك بولعان دەيدى.

بۇگىنگى كۇنى وزبەكستان تۇرمەلەرىندە جازاسىن وتەۋشى قانشا ادام بارى بەلگىسىز.

2013 جىلى وزبەكستاننىڭ جوعارعى سوتىنىڭ سول كەزدەگى توراعاسى بولعان بۋريتوش مۋستافاەۆ ءاربىر مىڭ تۇرعىنعا 166 جازاسىن وتەۋشى كەلەدى دەپ مالىمدەگەن. 

Abai.kz