اتامباەۆ ەاەو ءۇشىن ەردوعاندى ساتىپ كەتتى
رەسەيلىك ريا «نوۆوستي» اگەنتتىگىنىڭ حابارلاۋىنشا، قىرعىزستان پرەزيدەنتى المازبەك اتامباەۆ: «تۇركيا قارۋلى كۇشتەرى اتىپ قۇلاتقان رەسەيلىك سۋ-24 ۇشاعى ءۇشىن انكارا بيلىگى ماسكەۋدەن كەشىرىم سۇراۋى ءتيىس» دەگەن.
«مەنىڭ ويىمشا تۇركيا قارۋلى كۇشتەرى اتىپ تۇسىرگەن رەسەيلىك سۋ-24 ۇشاعى ءۇشىن تۇركيا بيلىگى ماسكەۋدەن كەشىرىم سۇراۋى ءتيىس. مەنىڭ ۇستانىمىم بويىنشا، بۇل جەردە ءبارى ايقان. كەي كەزدەردە مويىنداۋ دا كەرەك. بۇل ەكونوميكالىق جانە ساياسي تۇرعىدان ەكى تاراپقا دا ءتيىمسىز سوعىس. رەسەي ۇشاعىن اتىپ ءتۇسىرۋ وتە قاتە شەشىم بولدى. ءتىپتى ولار ايتقانداي، رەسەيلىك ۇشاق 17 سەكۋند بويى تۇركيا تەرريتورياسىنا كىرگەن كۇننىڭ وزىندە، ۇشاقتى اتۋ اقىلعا سىيىمسىز. 17 سەكۋند ءۇشىن 20 جىلدان استام ۋاقىت بويى قالىپتاستىرعان قارىم-قاتىناستى تارك ەتۋگە بولمايدى»،-دەيدى اتامباەۆ مىرزا.
بۇعان دەيىن قىرعىز پرەزيدەنتى: «ەردوعان مىرزا ماعان شىن ءسوزىن ايتتى. ونىڭ يشيم-مەن ەشقانداي بايلانىسى جوق. بولادى عوي. كەيدە مەملەكەت باسشىسىنىڭ سىرتىنان جاسىرىن ارەكەتتەر جاسالىپ جاتادى» دەپ ەدى.
ەستەرىڭىزدە بولسا، تايىپ ەردوعان تۇركيا پرەزيدەنتى بولىپ سايلانعان كۇنى، قىرعىزستان پرەزيدەنتى المازبەك اتامباەۆ ارنايى انكاراعا بارىپ، جاڭا پرەزيدەنتتىڭ ينناۋگۋراتسياسىنا قاتىسقان ەدى. سوندا قىرعىز كوشباسشىسى ەردوعاندى «ابي» اعا دەپ ارقاسىنان قاققان.
«ەردوعان مىنرزانىڭ ارقاسىندا تۇركيا الەمدەگى ەڭ ەكونوميكاسى قۋاتتى ەلگە اينالىپ كەلەدى. سىزدەردى ەردوعانداي باسشىلارىڭىزبەن قۇتتىقتايمىن! جاساسىن تۇركيا!»، دەگەن.
()
ارادا ءبىر جىل وتكەندە تۇركيا پرەزيدەنتى رەسمي ءىس-ساپارىمەن بىشكەك قالاسىنا كەلەدى. سوندا، اتامباەۆ مىرزا تۇركيا پرەزيدەنتىن ارنايى كۇتىپ الىپ، تۇرىك تىلىندە سويلەگەن.
()
«بۇگىن بىزگە ەردوعان اعامىز كەلدى. ەردوعان اعامىزدىڭ كەلگەنىنە بۇكىل قىرعىز دالاسى قۋانادى. ەردوعان اعامىزدىڭ كومەگىنىڭ ارقاسىندا ءبىزدىڭ ەلدىڭ ەكونوميكاسى اياققا تۇرىپ كەلەدى. ءبىز ۇيالماي تاعى دا سۇرادىق. ەردوعان اعا، بىزگە قارىز بەرىڭىزشى دەپ. اعامىز ادەتتەگىدەي قولىمىزدى قايتارمادى. ويتكەنى بۇل اعامىزدىڭ اتا توپراعى. اتا جۇرتى. قوش كەلدىڭىز اعا» دەگەن سوزدەرىنەن كەيىن كوزىنەن جاس اققان ەردوعان قىرعىزستانعا قايتارىمسىز 90 ميلليون دوللاردى كومەك رەتىندە سىيعا تارتقان بولاتىن.
ال ەندى، قىرعىزستان پرەزيدەنتى تۇركيا-رەسەي جانجالىنا ارالاسىپ، رەسەيدىڭ رەسمي پوزيتسياسىن قولدايتىنىن ايتقان.
ەستەرىڭىزدە بولسا، وسىعان دەيىن ۋكراينا داعدارىسىنا قاتىستى، اتامباەۆ مىرزا قىرىمدا وتكەن رەفەرەندۋمدى جانە ول ايماقتىڭ رەسەي قۇرامىنا كىرۋ تۋرالى شەشىمىن زاڭدى دەپ تانيتىنىن ايتقان بولاتىن.
ءتۇيىن: ءيا، اتامباەۆ ەاەو ءۇشىن تۇركى جۇرتىنىڭ تۇتاستىعىنا قارسى شىقتى. ەردوعان مەن اتامباەۆ دوستىعىنا سىزات ءتۇستى. سۋ-24 ۇشاعىنا قاتىستى داۋ – تۇركيا پرەزيدەنتىن ەڭ سەنىمدى ەكى سەرىكتەسىنەن ايىردى. ءبىزدىڭ بيلىك رەسەي ىقپالىنان شىعا المايتىنىن ءاۋ باستا-اق، ىمداپ، تۇسىندىرگەن ەدى. وسىلايشا، پۋتين قولتىعىنىڭ كۇلىمسى يسىنە قۇمارتۋ ىندەتى پوست-كەڭەستىك ەلدەردە كەڭ ەتەك جايۋدا. گەرونتاكراتيالىق جۇيە باسشىلارى ەاەو ەلەسىنىڭ ەتەگىندە جۇرگەندە، تۇركى جۇرتىنىڭ تۇتاستىعى بۇزىلىپ تىناتىنىن ەلەستەتۋدىڭ ءوزى قورقىنىشتى ءھام ايانىشتى.
