ءاربىر حالىق سىيلىق اتاۋلىعا ءارتۇرلى كوزقاراسپەن قارايتىنى بەلگىلى. قانداي دا ءبىر ەلدە ءجۇرىپ ول ەلدىڭ سالت-ساناسىنا ءتان ەمەس سىيلىقتى تاڭداپ قاتەلەسۋىڭ مۇمكىن. بۇگىن ءبىز سىيلىقتىڭ ءارتۇرلى حالىقتارعا قاتىستى ەرەكشەلىكتەرىن ءسوز ەتپەكپىز. 

ەۋروپا 

ەۋروپا ەلدەرىندە بىرقاتار سىيلىقتاردى سىيلاۋعا «تىيىم سالىنعان». ماسەلەن، فرانتسيادا تۇرمىسقا شىقپاعان ارۋعا پارفيۋم ونىمدەرىن سىيلاۋعا بولمايدى، مۇنداي سىيلىقتى تەك جولداس ازاماتى عانا سىيلاي الادى. گەرمانيادا كانتسەليار ونىمدەرىن، اسىرەسە، كۇندەلىك ءتارىزدى ماڭىزى بار نارسەلەردى سىيلاۋعا بولمايدى، مۇنداي سىيلىقتاردى نەمىس حالقى مۇقياتسىزدىقتىڭ، ۇقىپسىزدىقتىڭ بەلگىسى رەتىندە تانيدى. ەۋروپادا فەمينيستىك قوزعالىس وكىلدەرى ءۇشىن اس ءۇي جابدىقتارى مەن تەحنيكالارىن سىيلاۋ «اسا جاقسى» ەمەس. 

سول ءتارىزدى گۇل سىيلاۋعا كەلگەندە دە سىنشى بولۋعا تۋرا كەلەدى. ماسەلەن، فرانتسۋز مادامدارىنا حريزانتەما مەن قالامپىر گۇلدەرىن سىيلاۋعا بولمايدى، ال قىزىل راۋشاندى سىيلاۋ شەكتەن شىققان قۇمارلىقتى بىلدىرەدى. 

اقش

اقش-تا كەيىنگى كەزدە مىنانداي ءۇردىس ورىن العان: سىي رەتىندە تارتىلعان سىيلىقتى چەگىمەن بەرەتىن بولعان، ەگەر سىيلىق «قاھارمانىنا» ۇناماسا، ول اۋىستىرىپ نەمەسە وتكىزىپ تاستاي الادى. قىزىعى سول، جاڭا جىل مەيرامىنان كەيىن دۇكەندەردىڭ الدىندا سىيلىقتى اۋىستىرۋ ءۇشىن ۇزىن-سونار كەزەك بولادى ەكەن. سوندىقتان امەريكالىقتار ءۇشىن چەكسىز بەرىلگەن سىيلىق ناعىز ورىنسىز «توسىن سىي» بولاتىنى انىق. 

مۇسىلمان ەلدەرى 

مۇسىلمان ەلدەرىندە الكوگول، وزگە دە سپيرت تەكتەس ونىمدەردى سىيلىققا تارتۋعا بولمايدى. سول ءتارىزدى شوشقا دا يسلامدا حارام رەتىندە سانالاتىندىقتان شوشقانىڭ ەتى مەن تەرىسىنەن جاسالعان كەز كەلگەن ونىمدەردى سىيلاۋعا بولمايدى. سونىمەن قاتار، سالىنعان سۋرەتتەردى، كارتينكالاردى دا بەرۋگە بولمايدى. سىيلىقتى وڭ قولمەن بەرۋ قاجەت، بەرەكە سانالادى. سىيلىق وتاعاسىنا عانا سىيلانادى. 

قىتاي 

قىتاي حالقى سىيلىق العاندى جاقسى كورەدى. بىراق مۇندا دا شەكتەۋلەر بار. ماسەلەن، ەركەك ادامعا قارۋ-جاراق ءتارىزدى كادەسىيلاردى (قانجار، پىشاق، پيستولەت) سىيلاۋعا بولمايدى، بۇل دوستىقتى بۇزادى دەپ سانالادى. ايەل ادامعا سارى جانە اق ءتۇستى گۇلدەردى سىيلاۋعا بولمايدى، بۇل قايعى-قاسىرەتتىڭ بەلگىسى تانىلادى. ءتىپتى، اق قاعازدان جاسالعان جاڭا جىلدىق ويىنشىقتار دا قىتاي حالقىنىڭ اشۋىن تۋدىرادى. ويتكەنى اق ءتۇس حريزانتەما گۇلىنىڭ بەلگىسى، ال حريزانتەما گۇلى ءولىمنىڭ بەلگىسى سانالادى. 

جاپونيا 

جاپونيادا دا سىيلىق سىيلاۋ ادەپتى قاجەت ەتەدى. سىيلىقتى ەش سەبەپسىز بەرۋگە بولمايدى. قانداي دا ءبىر ءمان بولۋى ءتيىس. جاڭا جىل مەيرامى جاپوندىقتار ءۇشىن اسا ماڭىزدى مەرەكە بولماعاندىقتان، قىمبات سىيلىق بەرۋدىڭ قاجەتى جوق. بالالارعا كونفەت پەن ويىنشىق سىيلاۋ داستۇرگە اينالعان. الايدا ەشقاشان ءتورت نە توعىز زات سىيلاۋعا بولمايدى: ء«تورت» ءسوزىنىڭ دىبىستالۋى ء«ولىم» ءسوزىنىڭ دىبىستالۋىنا بايلانىستى، ال «توعىز» ءسوزى «اۋىرۋ» سوزىنە جاقىن بولعاندىقتان جاپوندىقتاردىڭ قورقىنىشىن تۋعىزادى. سىيلىقتى ەكى قولداپ، ءيىلىپ سىيلاۋ قاجەت. 

كورەيا 

قىزىل ءتۇس كورەيادا قانمەن، ولىممەن بايلانىستى بولعاندىقتان قىزىل تۇسكە ورالعان سىيلىقتى سىيلاۋشى بولماڭىز. عاشىقتار ءبىر-بىرىنە اياق كيىم سىيلاۋعا بولمايدى، عاشىقتاردىڭ اراسى سۋىپ كەتەدى دەپ جورامالدانادى. 

افريكا 

افريكانىڭ كوپتەگەن حالىقتارى تەك جەرلەۋ سالتاناتىندا عانا قولداناتىندىقتان گۇلدى سىيلىق رەتىندە بەرۋ جاقسىلىقتىڭ بەلگىسى ەمەس. فوتواپپاراتتى دا سىيلاۋعا بولمايدى: افريكا حالىقتارىندا كوبى فوتواپپاراتقا ءتۇسىرۋ ادام جانىن الۋمەن تەڭ.

Abai.kz

دەرەككتەر - massaget.kz سايتىنان الىندى