جىكشىلدەرمەن بايلانىسقان وتباسى قۋعىنعا ۇشىرادى
قىرعىزستاننىڭ الا-بۋكا اۋدانىنداعى كاجار اۋىلىنىڭ تۇرعىندارى بىرنەشە مۇشەسى سيرياعا باردى جانە ەكسترەميستىك توپپەن بايلانىسى بار دەپ سانالاتىن وتباسىن اۋىلدان قۋدا.
جالال-اباد وبلىستىق ءىىب ءتارتىپ ساقشىلارىنىڭ اتالعان جايتتى تەكسەرىپ جاتقانىن حابارلادى. بۇل وتباسىنىڭ جەتى بىردەي مۇشەسى سيرياداعى اسكەري ۇرىس ايماقتارىنا بارعانى، كەيىنىرەك بەسەۋىنىڭ قىرعىزستانعا قايتىپ كەلگەنى جايلى دەرەك بار.
مەملەكەتتىك ۇلتتىق قاۋىپسىزدىك كوميتەتىنىڭ ءباسپاسوز قىزمەتى تەرگەۋ-تەكسەرۋ امالدارى اياقتالمايىنشا تۇسىنىكتەمە بەرمەيتىنىن حابارلادى.
رەسمي دەرەك بويىنشا، قىرعىزستاننىڭ 500-گە جۋىق ازاماتى سيريا مەن يراك اۋماعىنداعى حالىقارالىق تەررورلىق ۇيىمنىڭ قاتارىندا ءجۇر.
اباي-اقپارات
