تاجىكستاننىڭ ءبىلىم جانە عىلىم مينيسترلىگى ءبىلىم بەرۋ ورىندارىندا جاڭا جىلدىق شىرشا ورناتۋعا تيىم سالدى.

مۇنداي بۇيرىققا ءبىلىم جانە عىلىم ءمينيسترى نۋريددين سايد قول قويدى.

مينيسترلىكتىڭ ارنايى حابارلاماسىندا: «وقۋ ورىندارى ءۇشىن شىرشا كەسۋگە، ولاردى ورناتۋعا، بەزەندىرۋگە، فەيەرۆەركتەر مەن پيروتەحنيكانى قولدانۋعا، مەرەكەلىك داستارحان جايۋعا، سىيلىقتار بەرۋگە جانە جاڭا جىلعا ارناپ اقشا جيناۋعا تيىم سالىنادى»، - دەلىنگەن. بۇدان بولەك، مەكتەپ وقۋشىلارى مەن ستۋدەنتتەردىڭ جاپپاي مەرەكەلىك سەرۋەنگە شىعۋىنا، مەيرامحانالار مەن وزگە دە ورىنداردا تويلاۋىنا دا شەكتەۋ قويىلدى.

شىرشا مەرەكەسىن ويلاۋدىڭ ورنىنا  تاجىكستاننىڭ ءبىلىم جانە عىلىم مينيسترلىگى جاڭا جىلدى مەرەكەلەۋگە ارنالعان شارا اياسىندا قابىرعا گازەتتەرىن دايىنداۋعا، مادەني جانە ادەبي كەشتەر ۇيىمداستىرۋعا، سپورت جارىستارىن وتكىزۋگە كەڭەس بەرەدى.

اباي-اقپارات