اعىلشىن تىلىندە شىققان Re-Zona-Nce اتتى اعىلشىن تىلىندەگى جيناققا اتابەكتىڭ «رە-زونا-نس» توپتاماسىنداعى ولەڭدەرى ەنگەن. ورىسشادان اعىلشىن تىلىنە اقىن نايال ماكدەۆيد پەن مۋزىكانت ءالفيا ناقىپبەكوۆا اۋدارعان. جيناقتىڭ تۇساۋكەسەرى جاڭاوزەن قالاسىندا 2011 جىلدىڭ جەلتوقسانىندا بولعان وقيعالاردىڭ 4 جىلدىعىنا ورايلاستىرىلعان.

ارون اتابەك 2006 جىلدان بەرى تۇرمەدە وتىر. 2007 جىلى ارون اتابەك (رەسمي اتى-ءجونى— ارون ەدىگەەۆ) الماتىداعى شاڭىراق وقيعاسى بويىنشا 18 جىلعا باس بوستاندىعىنان ايىرىلدى. 5 جىلدان استام ۋاقىتىن جالعىز ادامدىق كامەرالاردا وتكىزدى.

قازاقستاننىڭ قۇقىق قورعاۋ ۇيىمدارى ارون اتابەكتى ساياسي تۇتقىن دەپ تانىدى. ارون اتابەك اباقتىدا وتىرىپ قازاقستاننىڭ دەموكراتيالىق قوعامىنىڭ «بوستاندىق» سىيلىعىنا يە بولدى. 2010 جىلى ول حالىقارالىق «شىعارماشىلىق بوستاندىعى» (Freedom to Create) سىيلىعىنىڭ «تۇرمەدەگى جاسامپاز» اتالىمى بويىنشا لاۋرەات اتاندى. 

اباي-اقپارات