رەسەي: جۇمىسشىلارعا بەرىلەتىن كۆوتا قىسقاردى
رەسەي ۇكىمەتى 2016 جىلعا شەتەلدىك جۇمىسشىلارعا بەرىلەتىن كۆوتانى 22 پايىزعا قىسقارتتى بۇل تۋرالى رەسەي ۇكىمەتىنىڭ Twitter-دەگى پاراقشاسى حابارلادى. مينيسترلەر كابينەتى قاۋلىسىنىڭ ءماتىنى ۇكىمەتتىڭ رەسمي سايتىندا جاريالانعان.
بۇعان دەيىن ەڭبەك مينيسترلىگىنىڭ كوميسسياسى رەسەيگە ۆيزامەن كەلەتىن شەتەلدىك جۇمىسشىلارعا دەگەن سۇرانىستىڭ 20 پايىزعا – 214 مىڭ ادامعا ازايعانىن مالىمدەگەن ەدى. دەگەنمەن،بىلىكتىلىگى جوعارى جۇمىسشى ماماندارعا سۇرانىستىڭ ءالى جوعارى ەكەندىگى ايتىلادى.
رەسەيدىڭ فەدەرالدى كوشى-قون قىزمەتى ەكونوميكالىق داعدارىس پەن ءرۋبلدىڭ دەۆالۆاتسياسىنا قاراماستان، رەسەيگە ەڭبەك ميگرانتتارىنىڭ كوپ كەلەتىنىن جانە 2015 جىلى ەلگە وسىنداي 16 ملن ادامنىڭ كەلگەنى تۋرالى حابارلادى. ولاردىڭ كوپشىلىگى تمد ەلدەرىنىڭ ازاماتتارى.
اباي-اقپارات
