بۇگىن، قر تاۋەلسىزدىگى كۇنىنىڭ قارساڭىندا، قاراعاندى وبلىسىنىڭ اكىمى نۇرمۇحامبەت ابدىبەكوۆ  «وڭىرلەردى دامىتۋ - 2020» باعدارلاماسى بويىنشا قازاقستاننىڭ تۇرعىن ءۇي قۇرىلىس جيناق بانكىنىڭ سالىمشىسى بولعان 56  وتباسىنا جاڭا پاتەردىڭ كىلتىن تابىستادى.  بۇل تۋرالى abai.kz پورتالى حابارلايدى.

جاڭا جىلدىڭ قارساڭىندا جاڭا پاتەرلەرگە كىرىپ، قونىس تويىن تويلاعان سالىمشىلاردى قۇتتىقتاۋ جانە پاتەر كىلتتەرىن  تاپسىرۋ شاراسىنا قازاقستاننىڭ تۇرعىن ءۇي قۇرىلىس جيناق بانكىنىڭ قاراعاندى وبلىستىق فيليالىنىڭ باسشىسى بولات بەكىشەۆ تە قاتىستى.

- ء بىزدىڭ ەلدە جاقى سالت بار. تاۋەلسىزدىك كۇنىن تەك قانا مەرەكەلىك كوڭىل كۇيمەن ەمەس، ناقتى اتقارىلعان شارۋالارمەن اتاپ ءوتۋ – سوڭعى جىلدارى  يگى داستۇرگە اينالىپ كەلەدى. مىنە، بۇگىنگى شارا دا سونداي ءبىر جەمىستىڭ ناتيجەسى، - دەدى وبلىس باسشىسى نۇرمۇحامبەت ابدىبەكوۆ.

مەملەكەتتىك تاپسىرما بويىنشا قابىلدانعان «وڭىرلەردى دامىتۋ - 2020» باعدارلاماسى بويىنشا قتقجب  سالىمشىسى بولعان ازاماتتارعا بالل كەزەگى بويىنشا بۇگىن جاڭا پاتەرلەردىڭ كىلتتەرى تابىستالدى.

مىسالى، سونداي سالىمشىلاردىڭ ءبىرى – گۇلنار قانتبەكوۆا. گۇلنار مەن ونىڭ جۇبايى ەكەۋى دە قازاقستاننىڭ ءورت ءسوندىرۋ قىزمەتكەرلەرى. قانتبەكوۆتاردىڭ ۇلكەن وتباسى  وسىعان دەيىن تار پاتەردى جالداپ كەلگەن بولاتىن. بۇگىن ولار وبلىس باسشىسىنىڭ قولىنان 3 بولمەلى پاتەردىڭ كىلتىن الدى.

- ءبىرىنشى كەزەكتە ەلباسىمىز  نۇرسۇلتان نازارباەۆقا العىسىمىز شەكسىز.  ەلباسىمىزدىڭ جاس وتباسىلارعا قولداۋ كورسەتۋ ماقساتىندا قابىلداعان وسىنداي باعدارلاماسىنىڭ ارقاسىندا قانشاما جاس وتباسى باسپانالى بولىپ جاتىر. ودان كەيىن جەرگىلىكتى اكىمشىلىككە جانە بانك ماماندارىنا راحمەتىمىز شەكسىز. بۇل جاقسى قولداۋ. ەندى ءبىز سەكىلدى  پاتەرگە مۇقتاج جاندارعا  ايتارىمىز، باعدارلاماعا قاتىسىڭىزدار. ەندى ءبىزدىڭ ءوز پاتەرىمىز بار. قۋانىشتىمىز ارينە، - دەيدى گۇلنار قانتبەكوۆا.

ايتا كەتەيىك، اتالعان باعدارلاما بويىنشا، سوڭعى جىلدارى 1000 وتباسى باسپانالى بولىپ وتىر. تەك بيىلعى 2015-جىلدىڭ وزىندە «بارلىق ساناتتاعى تۇرعىندارعا» باعدارلاماسى بويىنشا، 184 پاتەر قولدانىسقا بەرىلدى. ال «جاس  وتباسىلارعا باسپانا» باعدارلاماسى بويىنشا  اۋماعى 12,2 مىڭ شارشى مەتردى قۇرايتىن 231 پاتەر جەزقازعان جانە تەمىرتاۋ، قاراعاندى  قالالارىندا سالىندى.   

- مەملەكەتتىك باعدارلاما ءوزىن-ءوزى تولىق اقتايدى.  ءبىزدىڭ بانكتىڭ سالىمشىلارى پاتەر اقىسىن تيىنداپ ءجۇرىپ جيناپ، باعدارلاماعا قاتىسادى. ءبىز جەرگىلىكتى اكىمشىلىكتەرمەن بىرلەسىپ وتىرىپ جۇمىس جۇرگىزەمىز، -دەدى قتقجب-نىڭ قاراعاندى وبلىستىق فيليالىنىڭ ديرەكتورى بولات بەكىشەۆ.  

Abai.kz