شەشەن رەسپۋبليكاسىنىڭ استاناسى گروزنىيدا 5-ءشى حالىقارالىق  رف پرەزيدەنتىنىڭ كۋبوگى باسەكەسى اياقتالدى. تۋرنير قورىتىندىسى بويىنشا قازاقستاندىق قۇراما قانجىعاسىندا 5 مەدال جانە كوماندالىق ەسەپتە 2-ورىنعا جايعاستى. بۇل تۋرالى «اباي» پورتالى قازاقپاراتقا سىلتەمە جاساپ حابارلايدى.

ءبىرىنشى ورىندا تۋرنير يەسى - رەسەي قۇراماسى، كوشباسشىلار ۇشتىگىن اقش كومانداسى تۇيىندەدى.

قر اۋىر اتلەتيكا فەدەراتسياسى  205 كەلىگە دەيىن ساناتتا ءبىزدىڭ ەكى دۇركىن وليمپيادا چەمپيونى يليا يلينگە تەڭ كەلەتىن ەشكىم بولماعانىن حابارلادى. ول التىن يەلەنىپ، ەكى الەمدىك رەكوردتى  (سەرپە كوتەرۋ جانە قوس سايىس ناتيجەسىندە) جاڭارتتى. 2015 جىلعى الەم چەمپيونى الەكساندر زايچيكوۆ ەكىنشى ورىن الدى.

94 كەلىگە دەيىنگى ساناتتا قازاقستاننان ءتورت سپورتشى ۇزدىك اتاعىنا تالاستى.

سالماعى  394 (175 +219) كەلى زىلتەمىردى كوتەرىپ، ەكى جاتتىعۋ جيىنتىعىندا كۇمىس مەدالدى دەنيس ۇلانوۆ الدى.   397 (178+219)  كەلى ناتيجەمەن رەسەيلىك ادام ماليگوۆ ءبىرىنشى ورىن الدى.   ەكى دۇركىن الەم چەمپيونى يليا ءيليننىڭ تاربيەلەنۋشىسى - رۋستەم سىباي    378 (166+212) كەلىمەن ءتورتىنشى ورىندى يەلەندى.  قازاقستاننان ەكى سپورتشى  - ەرمەك ءومىرتاي (350)  مەن سەمەن ليندەر (312) 9-شى تيىسىنشە 12-ءشى ورىنعا جايعاستى.

ءبىر اتتەگەن-ايى، جەرلەستەرىمىز يليا يلين مەن الەكساندر زايچيكوۆتار جەڭىس تۇعىرىنا كوتەرىلگەن ساتتە ۇيىمداستىرۋشىلار  قازاقستاننىڭ ەسكى گيمنىن ويناتتى.

Abai.kz