«حرونيكي تۋركمەنيستانا» باسىلىمىنىڭ مالىمەتىنشە، بۇل تۋرالى ەلدىڭ مەملەكەتتىك مەكەمەلەرىندە جەلتوقساننىڭ 2-4-دە حابارلانعان.

بيىلعى جىلدىڭ ساۋىرىندە تۇركىمەنستاندا اقش دوللارىن ساتىپ الۋعا شەكتەۋ قويىلعان ەدى. ءبىر ادام جىلىنا 8 مىڭ دوللار جانە ءبىر رەتتە 1 مىڭ دوللار عانا ساتىپ الا الادى. وكىم بويىنشا، ۆاليۋتا ايىرباستاۋ وپەراتسياسى تەك تولقۇجاتتى كورسەتكەن سوڭ جۇزەگە اسىرىلادى جانە ءاربىر وپەراتسيا ارنايى مالىمەتتەر بازاسىنا تىركەلىپ وتىرادى. جازدىڭ اياعىنا تامان، ساتىپ الۋعا بولتىن ۆاليۋتا سوماسى 8 مىڭنان 1 مىڭ اقش دوللارىنا دەيىن ازايىلعانى تۋرالى اقپارات تۇسكەن. كاسىپكەرلەر ءۇشىن دە ۆاليۋتا ايىرباستاۋ بويىنشا شەكتەۋ قويىلعان ەدى.

تۇركىمەنستاننىڭ قارجى جۇيەسى ۆاليۋتا تاپشىلىعىنا تاپ بولدى جانە شەتەلدىك ۆاليۋتاعا دەگەن سۇرانىستى ازايتۋ ءۇشىن قولدان ءتۇرلى ايلا-شارعى جاسالۋدا.  

جىل باسىندا تۇركىمەنستاننىڭ ۇلتتىق ۆاليۋتاسى - مانات 20 پايىزدىق دەۆالۆاتسياعا ۇشىرادى. رەسپۋبليكا پرەزيدەنتى گۋربانگۋلى بەردىمۇحاممەدوۆ تۇركىمەن ەكونوميكاسىندا جاعىمسىز جاعدايلاردىڭ باستالعانىن مويىنداۋعا ءماجبۇر بولدى.