ەكى ەل اراسىنداعى داۋ قاراشانىڭ 24-ءى كۇنى، تۇرىكتىڭ اۋە كۇشتەرى سيريانىڭ تۇركيامەن شەكارالاس اۋدانىندا رەسەيلىك سۋ-24 جويعىش ۇشاعىن اتىپ تۇسىرگەن سوڭ باستالدى. جاۋاپ رەتىندە ماسكەۋ تۇكرياعا قارسى سانكتسيالار ەنگىزدى.

تۇرىك ۇكىمەتىندەگى بەلگىسىز دەرەككوزدەر اقپارات اگەنتتىكتەرىنە «روساتومنىڭ» اككۋيۋ قالاسىنىڭ توڭىرەگىندە اەس قۇرىلىسىن سالۋ كەلىسىمشارتىنان باس تارتپاعانىن جانە شارتتى بۇزعان جاعدايدا تولەۋگە ءماجبۇر بولاتىن وتەماقىنىڭ قاتاڭ شارتتارىنا بايلانىستى، ونداي قادامعا بارۋى ەكىتالاي ەكەنىن حابارلادى. تۇركيا بيلىگىنىڭ وكىلدەرى سونىمەن بىرگە، ەل قۇنى 20 ملرد دوللار بولاتىن جوبانى ورىنداۋعا باسقا دا ۇمىتكەرلەردى قاراستىرىپ جاتقانىن مالىمدەدى.

"اككۋيۋ" كومپانياسى ديرەكتورىنىڭ ورىنباسارى  ولەگ تيتوۆ «جۇمىستار كەستەگە سايكەس ءجۇرىپ جاتقانىن» ايتىپ،  قۇرىلىستىڭ توقتاپ قالعانى تۋرالى اقپاردى جوققا شىعاردى. 2013 جىلى «روساتوم» قۋاتتىلىعى 1200 مەگاۆاتت بولاتىن 4 رەاكتورعا تاپسىرىس العان بولاتىن. جۇمىستار ءساۋىر ايىندا باستالدى. كومپانيا العاشقى رەاكتوردى 2019 جىلعا قاراي ورناتۋعا ۋادە بەرگەن.

اباي-اقپارات