جاقىندا قازاقستاننىڭ تۇرعىن ءۇي قۇرىلىس جيناق بانكىنىڭ سالىمشالارى بولعان استانالىق 72 جاس وتباسىنا  قالا اكىمى ادىلبەك جاقسىبەكوۆ مىرزا پاتەرلەر كىلتىن تابىستادى. بۇل تۋرالى abai.kz پورتالى حابارلايدى.

بۇگىن استانا قالاسىنىڭ اكىمى ادىلبەك جاقسىبەكوۆ مىرزا 2020 جىلعا دەيىن وڭىرلەردى دامىتۋعا باعىتتالعان مەملەكەتتىك باعدارلاما بويىنشا جاس وتباسىلارعا جاڭا پاتەر كىلتتەرىن تابىستادى. اتالمىش  ءىس-شاراعا تۇرعىن ءۇي قۇرىلىس جيناق بانكىنىڭ باسقارما توراعاسىنىڭ ورىنباسارى ەپربول قاراشۇكەەۆ مىرزا دا قاتىسقان.

- بۇگىن، تاۋەلسىزدىك مەرەكەسى قارساڭىندا  استانالىق 72 جاس وتباسى جاڭا پاتەرلەرىنە كىردى. بۇل ەلباسى نۇرسۇلتان ءابىشۇلىنىڭ جاس وتباسىلارىنا قولداۋ كورسەتۋ ماقساتىندا ارنايى تاپسىرماسى بويىنشا قولعا الىنعان ارنايى باعدارلامانىڭ ناتيجەسى. بۇگىن مەن سىزدەردى شىن جۇرەكتەن قۇتتىقتايمىن. وتباسىلارىڭىزعا اماندىق، جىلىلىق پەن باقىت تىلەيمىن،-دەدى ءا.جاقسىبەكوۆ مىرزا.

پاتەر كىلتىن تاپسىرۋ بارىسىندا قتقجب باسقارما توراعاسىنىڭ ورىنباسارى ە.قاراشۇكەەۆ مىرزا دا، باسپانالى بولعان جاس وتباسىلارىن قۇتتىقتاي كەلە، مەملەكەتتىك باعدارلاما اياسىندا جالپى قازاقستان بويىنشا 450 مىڭ كۆ.مەترو باسپاناعا بولىنگەنىن اتاپ ءوتتى. بۇل دەگەنىڭىز 7 مىڭنان استام پاتەر دەگەن ءسوز. ال استانا قالاسىندا اتالمىش باعدارلاما بويىنشا ، قازىرگى تاڭدا 672 پاتەردى قۇرايتىن 8 تۇرعىن ءۇي سالىنعان.

- باعدارلاما وتە ءتيىمدى. اسىرەسە جاس وتباسىلار ءۇشىن بۇل ايتىرلىقتاي جەڭىلدىك بولىپ تابىلادى.  8 جىلدىڭ ىشىندە پاتەر باعاسىنىڭ 50 پايىزىن جيناپ ۇلگەرسە بولعانى. ال پاتەردىڭ قالعان اقشاسىن ءبىزدىڭ بانككە 4 پايىزدىق جەڭىلدىكپەن، نەسيە رەتىندە تولەپ وتىرادى. وسىلايشا ءبىزدىڭ سالىمشىلار، پاتەردىڭ اقىسىن ءبولىپ تولەي الادى. ال پاتەردىڭ شارشى مەترى 120 مىڭ تەڭگەنى قۇرايدى.

بۇگىن مەملەكەتتىك باعدارلاما ارقىلى باسپانالى بولعان جاس وتباسى جانبولات اسەتوۆ پەن گۇلنارا سارجانوۆا وتباسىن قۇرعاننان كەيىن 6 جىلداي جالدامالى پاتەردە تۇرعان. ال 2 جىل بۇرىن قتقجب سالىمشىلارى قاتارىنا قوسىلىپ، بۇگىن استانا قالاسىنان 2 بولمەلى پاتەرگە يە بولعان.

- ءبىرىنشى كەزەكتە ەلباسىمىزعا ۇلكەن راحمەت ايتامىز.وسىنداي جاستارعا قولداۋ بولاتىن ارنايى باعدارلاما جاساعانى حالىقتىڭ قامىن ويلاعانى.جاس وتباسىلارعا دەەۋشى بولعان جەرگىلىكتى اكىمشىلىك پەن بانك وكىلدەرىنە دە العىسىمىز شەكسىز.

سوڭعى جىلدارى 4,5 مىڭنان استام استانالىق تۇرعىندار اتالمىش باعدارلاما اياسىندا جاڭا پاتەرلەرگە كىرگەن. «جاس وتباسىلارعا باسپانا» باعدارلاماسىمەن 2014 جىلى 672 پاتەر قاراستىرىلعان. سونىڭ ىشىندە 211 وتباسى جاڭا پاتەرلەردە قونىس تويىن تويلاپ ۇلگەندى. ال تىلەنديەۆ كوشەسىندە قولدانىسقا بەرىلگەلى تۇرعان تۇرعىن ۇيگە بۇگىن 72 وتباسى قونىستانعان.

Abai.kz