مينيسترلەر كابينەتى «قازاقستاننىڭ تۇرعىن ءۇي قۇرىلىس جيناق بانكى» اق سالىمشىلارىنا ۆاليۋتا باعامىنىڭ وزگەرۋىنە بايلانىستى وتەماقى تولەۋ ماقساتىندا رەزەرۆتەن 36,9 ملرد. تەڭگە بولەدى. بۇل تۋرالى ۇكىمەت وتىرىسىندا قر ۇلتتىق ەكونوميكا ءمينيسترى ەربولات دوساەۆ حابارلادى.

بۇگىن «تۇرعىن ءۇي قۇرىلىس جيناق بانكى» ءباسپاسوز قىزمەتىندە بانكتىڭ جەكە قاراجاتىنان وسى سوماعا قوسىمشا تاعى 24 ملرد. تەڭگە بولىنەتىنىن حابارلادى. وسىلايشا، ۇكىمەتتىڭ رەزەرۆتىك اقشاسىمەن بىرگە، بانك كليەنتتەرىنە 60,9 ملرد. تەڭگە وتەماقى تولەيتىن بولادى. بۇل رەتتە، قتقجب - 1 ملن تەڭگەدەن اساتىن سالىم بويىنشا كۋرستىق ايىرمانىڭ ورنىن تولتىرىپ وتىرعان ەلدەگى جالعىز بانك.

قتقجب وتەماقىعا ارنالعان قاراجات 2016 جانە 2017 جىلى ەكى ترانشپەن بولىنەتىنىن ءتۇسىندىردى. بانكتە بارلىق سالىمشىلار سالىم بويىنشا كۋرس ايىرماسىن الاتىنىن اتاپ ءوتتى. جالپى 492 مىڭ دەپوزيت بار. ءوتىنىش قابىلداۋ مەرزىمى تىعىز ەمەس. قۇجاتتار قابىلدايتىن كۇن تۋرالى سالىمشىلارعا قوسىمشا حابارلاناتىن بولادى.

سونىمەن، ە. دوساەۆ 2016-2018 جىلدارى حالىقتىڭ تۇرعىن ۇيگە قولجەتىمدىلىك دەڭگەيىن ارتتىرۋ ماقساتىندا 817 شارشى مەتر جالدامالى تۇرعىن ءۇي،  شامامەن 13 600 پاتەر سالۋ نەمەسە ساتىپ الۋ قامتاماسىز ەتىلەتىنىن مالىمدەدى.

Abai.kz